تعالوا افطروا عندي بيتزا وأولكم لبلبة وثانيكم أم الدعايات طيف

**إيمان علي** · 21-10-2005, 03:25 AM

بسم الله الرحمن الرحيم

السلام عليكم ورحمة الله وبركاته

ما تستغربوا النشاط يا بنات، هذا حال مؤقت بييجيني كل كم شهر، بهريكم حلويات أو معجنات، وبعدين بهدأ شهور ثانية

اليوم عملت البيتزا تبعت لبلبة، كنت بدي أكتب في الموضوع نفسه لكن الموضوع صارله 3 أشهر، فقلت خليني أجدده أحسن ما أرفعه

طبعاً لا يزال هناك وقت للإفطار ولهذا ما بقدر أقول شو الطعمة، لكن النتائج كانت مذهلة من أول العجينة إلى الخبز إلى الشكل النهائي

وقبل الصور، بحب أشكر لبلوبة الحلوة على أجمل بيتزا على طاولة فطور.. وأشكر طيف اللي بالنازلة والطالعة بتعلن عنها حتى ما عدت أحتمل المقاومة

وهذا الرابط للمرة الزليون هههههههه

أحلى بيتزا بالصلصلة الخاصة.... وبالصور (ولا بيتزا هت )

وإليكن الصور، حملتها غصب عن مساحتي اللي خلصت بالمرة وصارت -908

وهنا أضفت مع الجبنة المبروشة كمان جبنة فيتا، بحبها كثير بالبيتزا

حالياً أنهيت الصور وتوقفت عن كتابة الموضوع للإفطار، والآن عدت...

عدت وكلي فرح وبهجة لأنه زووووووووووووووجي عجبته جداً وقال هذا اختراع يجب تكراره

ما مصدقة!!! والله الطعم كأني عم باكلها بمطعم فاخر، زوجي أصر أنه مستحيل تكون عمل منزلي! بس بعدين صدق لأنه كان لازمها تشقير أكثر من تحت

المهم باقي ثلاث قطع، لمين أبعثها؟؟؟؟؟؟؟

تسلم إيديك يا لبلبة لأني رح أكررها وأكررها إن شاء الله.. والشكر لطيف صاحبة الإعلانات المغرية

ملاحظة بسيطة: أضفت على الصلصة بعض النشا حتى تثخن أكثر على النار.

**مصراته** · 21-10-2005, 04:52 AM

السلام عليكم ورحمة الله وبركاته
ياسلاااااااااام روعه اختى ايمان بتشهى يعطيك العافيه شجعتينى اعملها لان الطريقه بتختلف على طريقتى فى البيتزا التنويع حلو ...صحه وعافيه

**abooora** · 21-10-2005, 05:20 AM

ان شاء الله بجربها يسلموا اديكي...

**khat2000** · 21-10-2005, 05:38 AM

شكلها بيشهي

تسلم يدك ياعسل

**إيمان علي** · 21-10-2005, 02:18 PM

حياكن الله مصراتة وعبير وكات

كل الشكر للبلوبة مش إلي

**ashly** · 21-10-2005, 04:32 PM

مشكورة امونة

ريحتيني من البحث عن طريقة للبيتزا

**lanloon** · 21-10-2005, 07:06 PM

امونه شكلها روعه
تسلم ايديكِ و ايدين لبلوبه اللهلوبه

بجد شكلها بشهي هيك تشجعت اكتر اني اجربها

**طيـــف** · 21-10-2005, 07:32 PM

ثااااااااااااااااااااااااااااااانــــــــــــــي
ههههههههههههههههههههه

فقعت ضحك على اللقب الرائع
جد حلووووووووووووووه ام الدعايات

بسسسسسسسس شفتي ياايمان شو طيبه البيتزا وشو رائعه بتستاهل الدعاي واضل ع الطالعه والنازله ادننننننندن عنها

ومشاءالله تطبيقك وصورك بتشهييييييييييي

خليني ابعكMSM لبللبه اخليها تيجي تشوف بيعونها وتفرح

بعدين ابو بلال اقر انها طيبه معناه اشي كتيررررررررر عظيم

صحتين وعوافي امونه حبيبتي الله يسعدك شو بتفرحي قلوبنا

**إيمان علي** · 21-10-2005, 10:15 PM

العفو يا آشلي

الله يسلمك لنلون.. جربيها وعلى ضمانتي تطلع بتجنن.. والله ما دقت أطيب منها، كأنها من المحل، إن ما كانت أطيب حتى

طيوفة يا عسل، عزيزتي ضلوا نزلوا لنا هالأطايب وبضل أفش خلقكم وأطبق.. لأنه هذا شيء مؤقت هالنشاط وبعدين بهمد

والله بالفعل، أبو بلال بيحب بهالعالم 6 طبخات فقط، ولما تعجبه أكلة جديدة، معناه هذا شيء فاخر جداً..!
هو أصلاً بيحب البيتزا، بس بيقول شغلها أصعب من شراءها لشو تعمليها بالبيت.. ومبارح كان معزوم، قلت أقوم أعمل البيتزا جنب معكرونة صدف بالألفريدو.. كان طالع، وريته البيتزا، قال يمي، بس على أساس أنها جاهزة، حلفت له يمين أني أنا اللي عملتها من العجينة حتى الصلصة وكل شيء.. تفاجأ! وهو دائماً بيقول أنه شغل برة للبيتزا أطيب من البيت، ولهذا بيقول ما في داعي تجربيها.. بس لما عرف أنها صنعة بيتية وبيتزا قعد، أكل قطعة وراح على عزومته.. وكنت بدي أطير لما قال أنها عن جد عن جد إنها طيبة كثير!!!!!!! يا للهول!! فشكراً على الدعايات اللي بتستاهل