أشلون أسوي الخبز العربي؟

**بو مصعب القرطبي** · 15-01-2002, 06:18 PM

السلام عليكم..
أخواتي الأفاضل...ممكن اتقلولي أشلون أسوي الخبز في الفرن الكهربائي..و الله انا تعبت من الخبز(الصمون الفرنسي)..طلع عضلات في و جهي(حنك).

ابيكم اتقولي الطريقة , و لو سمحتم اتكون سهله..يعني بلاش من حط 100 غرام و شيء من هل نوع..أنا انسان قديم و لا اعرف الغرمات هذي..شوفولي حل ..و اهم شيء أنا فبلد اجنبي ما يعرف اللغة الأنجيزية..مو تكتبولي كلمات بالأنجليزي.
لأن مرة قرات عن طبخة و كاتبين فيها شيء اسمهpowder مع كلمة ما اتذكرها..انا منوين أجيب هذا..أسال الناس عندي يقولون شنو هذا و شنو يسوي.. و احترت..
الله يعطيكم العافيه..بس أشرحولي على الطريقة القديمه..مثلا..واحد يريد أرز و دجاج(مجبوس) اشلون تشرحوله..انا شرحي هكذا.. جيب بصل و حطه في الجدر مع اشويت زيت و احمسه لين يصير لونه اصفر و بعدين جيب الدجاج و يكون امقطع مثل ما انت تريد و احمسه مع البصل لين اتشون لونه تغير اشوي و بعدين زيد ماء عليه و خل الماء يغطي الدجاج..خلها يفوح لمدة 10 الي 15 دقيقه و بعدين حط البهارات و الملح و حركه اشوي و بعدين كت العيش على الدجاج و لازم اتشوف ان الماء يكون مرتفع عن العيش ا شوي.و لما اتشوف ان العيش قام يرتفع خفف على النار و خلها خفيفة و سكرعلى الجدر بالغطاء و خله على هذه النار 10 دقاييق و بعدين طفها..وبعد ما اتطفي النار اترك الغطاء امسكر مال الجدر لمدة 10 دقايق عشان يتخدر العيش..و خلاص.
هذا شرحي للمجبوس..و الله بسيط حتي الجانب أفهموه مني و صاروا يسونه احسن مني بعد.
عموما ترى انا اكلمك هكذا مثل اهلي ..لا حد يقول هذا يتشرط..
الله يبارك فيكم.

**om nehal** · 15-01-2002, 09:46 PM

السلام عليكم ورحمة الله وبركاته
اهلا ومرحبا
اولا في اكثر من طريقه وهذه احدي الطرق
الخبز بالنخالة:
كيلو دقيق
3الي 3.5 كوب ماء دافئ
4 ملاعق خميره و2ملعقه صغيره ملح و1 ملعقه صغيره سكر
رده (نخاله دقيق) ملعقه كبيره سمن او زبد
الطريقه"
ينخل الدقيق ويضاف كل المقادير ما عدا الرده حتى تحصلى على عجينه لينه وتترك حوالى20 دقيقه مغطاه ثم تكور وتترك 10 دقائق ثم يرش سطح المنضدة بالردة وتفرد علي الوجين بحيث يتم تغطيه الرغيف كله بالرده و تترك10 دقائق ويخبز في فرن حاروبالهنا
ام نهال
علي فكره ممكن تبديل الرده بالدقيق
وبعد ان يبرد الخبز يمكن الاحتفاظ به داخل كيس ووضعه بالفريزر
اعانك الله واعاننا علي الغربه
ام نهال

**om nehal** · 15-01-2002, 09:48 PM

السلام عليكم ورحمة الله وبركاته
اهلا ومرحبا اخي الفاضل
اولا في اكثر من طريقه وهذه احدي الطرق
الخبز بالنخالة:
كيلو دقيق
3الي 3.5 كوب ماء دافئ
4 ملاعق خميره و2ملعقه صغيره ملح و1 ملعقه صغيره سكر
رده (نخاله دقيق) ملعقه كبيره سمن او زبد
الطريقه"
ينخل الدقيق ويضاف كل المقادير ما عدا الرده حتى تحصل على عجينه لينه وتترك حوالى20 دقيقه مغطاه ثم تكور وتترك 10 دقائق ثم يرش سطح المنضدة بالردة وتفرد علي الوجين بحيث يتم تغطيه الرغيف كله بالرده و تترك10 دقائق ويخبز في فرن حاروبالهنا
ام نهال
علي فكره ممكن تبديل الرده بالدقيق
وبعد ان يبرد الخبز يمكن الاحتفاظ به داخل كيس ووضعه بالفريزر
اعانك الله واعاننا علي الغربه
ام نهال