كانولوني بالدجاج أو اللحم

**أم أيموني** · 21-02-2005, 01:09 PM

مرحبا خواتي،،
إمبارح عملت أكلة الكانولوني وطلعت رهيبة وعن جد كتير طيبة إنشاءالله تعجبكم ومايكون حدا قبلي كان كاتبها ..

المقادبر:
1 علبة معكرونة اللازانيا (500 جرام)
8 قطع صدور دجاج إما مفرومة أو مقطعة قطع صغيرة جداً
حبتين بصل كبار مفرومين ناعم
صنوبر مقلي
4 فصوص ثوم مدقوق
بهارات مشكلة (ملح/فلفل أسمر/قرفة/بهارات/ذرة فلفل أحمر حراق بودرة/شوية بهارات البرياني/2 مكعب ماجي)
زيت
1 أو نص كوب ماء
صلصة بشاميل
جبنة موزيريلا

الطريقة:
- نسلق معكرونة اللازانيا ونفصل بين كل حبة والأخرى بورق نايلون حتى لا تلتصق الواحدة بالأخرى.
- نحضر طنجرة صغيرة ونضع فيها شوية زيت وبس يحمى نضع البصل ونتركو حتى بذبل ثم نضيف الدجاج ونتركه حتى يتغير لونه ثم نضيف جميع البهارات ماعدا الملح ونضيف الماء ونتركه حتى يستوي جيداً ثم نضيف الملح والصنوبر المقلي.
- نحضر ورق اللازانيا ونضع في طرفها قليل من حشوة الدجاج ونلفها إلى الآخر وهكذا للجميع ونصفهم في البايركس حتى تنتهي الكمية ونضع عليهم صلصة البشاميل ونرش وجهها بجبنة الموزيريلا ونضعها لمدة نصف ساعة أو حتى تحمر قليلً من الأسفل أو الجوانب ثم نحمرها من الأعلى قليلاً ..
عند التقديم لا تقطع بل نضعها لفة لفة بالطبق.. وتقدم مع السلطة الخضراء ..
ممكن عمل نفس الطريقة والمقادير بس بدل الدجاج نضع لحمة مفرومة............. وصحتين

**ياسيه** · 21-02-2005, 02:02 PM

مشكوره يا ام ايموني بس انا عندي الكنالوني جاهز يعني المعكرونه جاهزة و ملفوفة بس عليه احشيها ...

السؤال هو ... اذا كانت جاهزة تاخذ نفس المدة في الفرن و لا تاخذ وقت اكثر؟؟؟

و مشكورة

**سنووايت** · 21-02-2005, 09:26 PM

تسلم ايديك يارب اختي ام ايموني
نحنا ببتجي عنا الازينا جاهزة ما بدها سلق
والكنولوني كمان بجي ملفوف بس احشيه متل ما قالت الاخت ياسيه
بس علينا انو ناخد الحشوة منك وطبقها
انا دائما بسويها مع لحمة
اول مرة اشوفها مع دجاج باذن الله راح اجربها
تحياتي الك سنووايت

**احاسيس مرهفة** · 21-02-2005, 11:23 PM

لحظة لحظة لحظة

اول شي الف الحمدلله على السلامة وينك من زمان ماشفناك

وبعدين هذا الطبق اللذيذ يجي على القسم عندنا

والا اذا تعتبروا المكرونيا معجنات رح اعمل مظاهرة

لأن ثلاث ارباع المواضيع عندنا رح تجي عندكم

شو رأيك سنسن

ام ايموني مرعبة انا مش كذا

خوفتك اسم الله عليك

وتسلم ايدك حبيبتي

**أم أيموني** · 22-02-2005, 08:47 AM

الله يسلمكم ويخليكم وأشكركم على مروركم ..

ياسية :
أنا مابعرف إنو في منها جاهز وأعتقد إنها راح تاخذ نفس الوقت بالفرن لغاية ما تسيح الجبنة ويحمر وجهها ..

سنووايت:
ماراح تندمي أبداً لو جربتيها بالدجاج يميميميمميميميم عن جد طيبة انا حتى المعكرونة بالبشامبل بعملها بالدجاج مش باللحمة جربيها وخبريني كيف طعمتها إذا

أو

..

أحاسيس مرهفة:
أنا هلأ عم بكتب تحت الطاولة من الرعبة

(ههههه) بعدين حبيبتي مين قال إن المعكرونة معجنات لأ لأ أبداً

بس انت ما تزعلي حطيها وين بدك..