عجينة ران 2000 (خاص لهنلي اللي جربتها)

**(راما)** · 31-08-2004, 09:33 AM

بسم الله الرحمن الرحيم
مرحبًا أخواتي في المنتدى جربت عجينة الاخت ران 2000 و فعلا مضبوطة و لذيذة جدًا بس بدي أسأل لما نعجن العجينة لازم نستخدم كل كمية الماء و لا لأ ؟ لانه زاد معي من الماء المخلوط بالحليب و الخميرة و الملح و السكر و الزيت تقريبًا النص.....

أفيدوني أفادكم الله

شكرًا

**(راما)** · 01-09-2004, 03:33 PM

وينك هنلي ؟؟؟؟؟؟؟؟؟؟؟؟

**(راما)** · 02-09-2004, 03:55 PM

طيب أسفين لكل اللي جربوها ............

**هنلي** · 05-09-2004, 08:40 AM

انا اسفه كثير لاني تاخرت بس بسبب انقطاع الخدمه
طيب نبدا انا جربتها والي بعملها من سنتين يعني كل يوم جمعه لو تيجي عندي بتلاقيني بسوي فيها
انا بعمل نصف الكميه وكمان اختي الدقيق كميته بزيدها لانها الاخت ران في منطقه يمكن الدقيق عندهم غير بتعرفي كميه الدقيق بتختلف من منطقه لاخرى
يعني انا احكيلك مقاديري كيف

كوب ماء
5 ملاعق حليب مش مليانه على الاخر عادي

ملعقه كبيره خميره
نص ملعقه بكنج باودر
3 ملاعق سكر
ملح
فنجان زيت ذره

3 كوب دقيق ويمكن اقل ويمكن اكثير

طيب انا هيك بسويها
بحط الماء والحليب على النار علشان يصيروا دافيين
و
ملعقه كبيره خميره
نص ملعقه بكنج باودر
3 ملاعق سكر
ملح
فنجان زيت ذره
بحطهن في جاط العجن وبحط فوقهن الحليب الدافيء بس ما يكون سخن كثير
وبتركهن 3 دقيق بتشوفي انهن نفشن وبعدها بضيف الدقيق 3 كوب او اكثير ويمكن اقل
انتي ضيفي واعجني لحد ما تشوفيها مسكت وبطلت تلزق في ايدك وتكون طريه في نفس الوقت وما بتلزق
واعجنيها شوي بين ايديكي
وبعدها حطي كم نقطه زيت وادهني بها العجين من كل الجهات علشان ما تنشف
وضعها في جاط ولفيها بكيس نايلون وخمريها ساعه
وبعدها اعملها اللي بدك اياه
على فكره انا اول مره سويتها ما زبطت معي طلعت ابصر كيف بس عدتها مره ثانيه وطلعت ميه الميه
وهي هيك زي عجينه محلات المعجنات طريه وناعمه ورح تحبيها على الاخر
وانا هذه الكميه بتعمل 20 قطعه صغيره
ولما اسويها في الفرن بحطها في الوسط على نار وسط اول شي بسويها من تحت بتوخذ 5-7 دقائق بس تتحمر شوي
وبعدها بحمر وجهها من فوق
ولما اطلعها من الفرن بدهن وجهها بالزيت علشان تظل طريه
واي سؤال انا في الخدمه من عيني هاي قبل هاي

**(راما)** · 05-09-2004, 09:45 AM

شكرًا حبيبتي ،، أنا عملتها امبارح و زبطت معي بس رح أصير أدهن الوجه بالزيت مع أنها طرية بس زيادة تأكيد و أسفة على ازعاجك.

**هنلي** · 05-09-2004, 08:06 PM

ولا ازعاج ولا حاجه انتي بتامري من العين هاي قبل هاي

**بنت دجلة الفرات** · 09-09-2004, 05:50 AM

اهلا بنات ولكن شو هي الحشوه التي تستعمل مع هذا
ماهي درجة حرارة الفرن اي طريقه الشوي
وشكرا

**احاسيس مرهفة** · 26-09-2004, 02:31 AM

حبيبتي بنت دجلة

هذي تنفع معها جميع انواع الحشوات وكذلك الأخوات يعملوا منها البيتزا و الصمون

صايرة لجميع الإستخدامات والحقيقة انا جربتها

وماشيه معاي زي الحلاوة

وعلى طول عاملينها في البيت

وابو الشباب ياخذها معاه العمل يتفشخر فيها قدام اصحابه عمايل ام لعيال