بسم الله نبدأ
حبيت اشارككم معي بمناسبة رجوعي
بشوربة عملتها امبارح و ان شاء الله تعجبكم
شوربة القرع:
المقادير
ربع قرعة صفرا كبيرة الحجم
بصلتين
ضرسين تومة
حبة بطاطا صغيرة
حبتين بندورة مقشرة و مفرومة
3 ملاعق شوفان
ملح
رشة فلفل اسود
زيت زيتون
كريمة طبخ
نيجي للطريقة:
نضع زيت الزيتون بالطنجرة
و نجميه شويه و نقلب البصل المقطع مكعبات
بعدين بنضيف القرع المقطع مكعبات
و بعدين البطاطا و البندورة بالترتيب
و بنقلب منيح لما يدبلو
بعدين
بنضيف 3 ملاعق شوفان
و شويه ميه و بنسيبهم يغلو منيح
وبعين
وززززززززززززززززززززززززززززز بالخلاط
و بنرجعه على الطنجرة و بنسيبهم يغلو منيح
و بنضيف ملح و الفلفل
و شوية كريمة
و بنطفي
و نقدم بالهنا و الشفا
الروابط المفضلة