البقره المشاغبه حتشتكينى للانتربول البسطرمه لعيون القطه rania.ys

بجد يا نواعم البقره المشاغبه اشتكت
وغنت ظلموه من اللى عملناه فيها
وبتقول يعنى مش كفايه انك قطعتونى
وسلقتونى وشويتونى وطبختونى باشكال والوان فى
لكل النعومات دعوه عامه من بقره مشاغبه >>>اتفضلوا <<<
كمان جايين تبسطرمونى
على العموم كله يهون
لاغلى عيون هوانم منتدانا الغالى

اولا البسطرمه
لازم تكون من جزء طرى
زى جزء من وش الفخده او عمودة الفخده او التلبيانكو

بعد اذن ايمى اخدت الصوره ده منها

1 كيلو لحمه وتكون خاليه من الدهون وتكون طريه
راس توم
فلفل احمر غير حار (بابريكا )
1/2 كوب ملح
1 كوب حلبه

الطريقه

احضرت اللحمه وغلفتها بالملح
ولفتها باى حاجه تشرب المايه
زى ورق اللحمه او مناديل مطبخ كتير او قطعة قماش
وتركتها فى صينيه ووضعت عليها صينيه اخرى وفوقهم اى اداه ثقيلة مثل يدالهون لكن انا عند زوجى حديد لتقوية عضلات اليد فأخذته وحطيته والغرض ان اللحمه تنزل مايتها وتتبتط وتركتها ليوم كامل
وبعد ذلك نظفتها بقطعة قماش من الملح جيدا ولفتها بقطعة تل وتركتها تنشف فى البالاكونه لنصف يوم
وفى اثناء ذلك الوقت كنت بللت الحلبه فى قليل من الماء نصف ساعه وبعد ذلك قمت بتصفيتها وطحنتها جيدا فى المطحنه وضربتها مع التوم المدقوق والبابريكا و م ص ملح وعجنتهم بقليل من الماء حتى اصبحت عجينة تقيلة
وغلفت بها اللحمه مع استخدام الماء

ولفتها فى التل مرة اخرى ووضعتها فى البالاكونة لمدة 7 ايام اهم حاجه يكون المكان هاوى وغير معرض للشمس
نواعمى كل ما حجم او وزن قطعة اللحمه تكبر
كل ما فترات التنشيف تزيد معنى كلامى

ملاحظات هامه

• لو وزن اللحمه كان 2 كيلو

بسيبها تنزل مايتها يوم ونص ولازم تتبتط كويس

ولما القماشه تشرب المايه وتكون متغرقه اغيرها علشان ادى فرصه للمايه اللى جوه اللحمه انها تتطلع باقى مايتها وبعد التغلبف بالتوم
واسيبها تنشف فى البلكونه 10 ايام معنى الكلام ان الايام تتناسب مع الوزن

• اهم حاجه اعرف ازاى انها استوت

انى كل ما امسكها واضغط على اللحمه من المنتصف بايدى تكون ناشفه

مش ناشفه من بره وطريه من جوه
كده تكون لسه نايه من جوه
ويستحسن تكون القطعيه لو كبيره وزنا تكون طويله مش سميكه

• والهدف

1. اولا تطرد المايه بسرعه

1. وثانيا تنشف وتستوى بسرعه

• واهم الشروط فى التنشيف

انها تكون ملفوفه بالتل علشان امنع الحشرات واوصل الهوى لللحمه

وتبعد عن اشاعة الشمس
ممكن لو حتتحملى ريحة التوم والحلبه تحطيها فى المطبخ ومفتوح عليها شباك هاوى او مروحه

وانا مستعدة لاى استفسار

ما شاء الله عليكي
فعلا طريقة هايله بصراحة انا عندي عرق تربيانكو صغير وشجعتيني أجربها
لاني عمري ما فكرت اعملها لاني بخاف انها تفشل مني
بس انا شاء الله اجرب طريقتك

بسم الله ماشاء الله عليكي يارب يحرسك من العين ويحفظك يارب
بارك الله فيكي وفي كل معلوماتك وعمايلك
ربنا يبارك فيكي وفي اهل بيتك
وتسلم يارب الايادي ويجازيكي الله كل خير
ويجعله بميزان حسناتك يارب
ممكن استفسار حببتي
طبعا انت تقصدي الحلبة الحصي صح
وبالنسبة لموضوع التنشيف الاولاني طبعا هي الملح
هي اللي بيحفظها لقدر الله من التعفن
وكل ماالتوم والملح كان كتير احسن ولا لا مش شرط
جزاكي الله خيرا
انا هاخد نصيبي لاني بحبها اووووووووووووووووووووووي وبستني نزولي ولا الزيارات لينا
عشان اكل بسطرمة مصر الرائعة

بسم الله ما شاء الله
تسلم ايدك حبيبه قلبى
بسطرمه شهيه و تفتح النفس بالف هنا و شفا
تسلم اديكى و عنيكى و تتحرم على النار
ربنا يشفى والدك و يعطيكى الف عافيه

جزالك الله خيرا

سلمت يداكِ يالغاليه على الوصفه الطيبه

تسلم ايدك يا قمر
بصراحه تجنن الطريقه وفعلا سهله جدا
بس ممكن ناكلها نيه كده؟

تسلم الايادى على الوصفه الشهيه

تسلم ايديكى وعينيكى
فعلا رائعـــــــــــــــــــة دايما ومتميزة

تسلمي يارب