طريقة عمل بيتزا البيض من مطبخ MONA
طريقة سهلة وبسيطة ولذيذة اووووووووووووي
السلام عليكم ورحمة الله وبركاته
ازيكم اخواتي في الله
انا اليوم هقدملكم طريقتي البسيطة في عمل بيتزا البيض
فعلا طريقة سهلة وبسيطة اما الطعم لذيذ اوي فعلا
شهادة من كل اللي دقوها من ايديا
عقبال ماتعجبكم طريقتي البسيطة
تعالو معايا نشوف انا بعملها ازاي
المقادير
5 حبات بيض
حوالي ربع كوب زيتون اخضراو اصفر مقطع حلقات طبعا من غير بذر
حوالي ربع كوب زيتون اسود مقطع حلقات طبعا من غير بذر
اي زيتون الوان عندك غيرهم
1 جبة طماطم متوسطة مقطعة صغير
ربع كوب فلفل رومي الوان(كان عندي اخضر واحمر)
ومخلوط بحبه صغيرة فلفل حامي
جبنة مبشورة يعني ربع كوب( استخدمت جبنة رومي )
بسطرمة مقطعة حوالي كوب
زبد ة
ملح وفلفل اسمر
الطريقة
اولا اشوح البسطرمة بمعلقة زبدة صغيرة في الطاسة
ثانيا اخفق البيض جيدا مع الملح والفلفل الاسمر
ثالثا انا بقلب الخضروات كلها مع بعض الاول
ممكن ناس تستخدم او ترش كل حاجة فوق البيض لوحدها
رابعا في طاسة اخري نظيفة غير لاصقة اضع معلقة زبدة لتسيح وتسخن شوية
وبعدها اضع البيض لحد مايمسك نفسه شوية
وبعدها اضع البسطرمة
ثم الخضروات واوزعهم بالتساوي كويس
وبعدها ارش الجبنة المبشورة واوزعها كويس
اوطي النار عليها واغطي الطاسة كويس
عشان تكمل سواها والجبنة تسيح من ع الوش
وبعدها اقددمها
طبق ماشاء الله متكامل
يارب تعجبكم طريقتي
الروابط المفضلة