سأشارك معكم بعض تغميساتي وصلصاتي ارجو ان تنال رضاكم
بعضها مصور والبعض لم يحالفه الحظ بالجلوس خلف عدسة الكميرا
اول تغميسة هي
صلصة الثوم المشوي
وهي عبارة عن
رأس من الثوم كامل وبالقشر ... نشوية وذلك بوضعه على المشواة العادية او في مقلاة التيفال بدون اي اضافات
وعندها يصبح طري
نتركه ليبرد قليلا
ثم نقوم بعصره باليد واستخراج خلاصة الثوم المشوي منه
ويكون طري ومرهمي الملمس
نخلط مهع عصير ليمون
وملح وخردل وفلفل اسود
ومايونيز
وتصبح اطيب تغميسة مع الخضار المشوية او الدجاج المشوي
والصلصة التانية هي صلصة اطيب لما تكون مع الاسماك والبحريات
وهي مؤلفة من
مايونيز .. ومن استعمال اللايت الخفيف حوالي 4 ملاعق كبيرة
نضع عليه ملعقة كبيرة خل ..
وملعقة صغيرة خردل
وملعقة كبيرة كتشب
وشبت مفروم ناعم
وملعقتين كبيرة عصير ليمون
وحص توم ناعم
ورشة فلفل
واحيانا اضع ملعقة صغيرة صلصة صويا
ونخلطهم جيدا
وبس وصحتين
وهذه صورة لالصلصة مع سلطة التونة
وهذه الصلصة عن قرب
وهون عملتها مع سلطة الربيان
وهذه تغميسة بالخبز العربي روووووووووعة
وهي البابا غنوج
بابا غنوج
باذنجانة كبيرة مشوية على رأس الغاز من فوق ... لانو اطيب من الفرن
ثم نقشرها ونتركها على مصفاة ونصفيها من الماء الذي ينزل منها
ثم نفرمها او نهرسها
ونضع عليها
3 ملاعق طحينة
و3 ملاعق دبس رمان
وحص توم ناعم
وبصلة مفرومة ناعم
وبقدونس وجوز مفروم
وبندورة حبة مفرومة
و فليفلة خضراء حلوة او حارة
مفرومة ناعم
وملح وفلفل وفليفلة بابريكا
ورشة بسيطة كمون
نخلطها
ونضع زيت الزيتون على الوجه
وما تنسوا حب الرمان للزينة
وكمان في خلطة الجبنة للتغميس ولا اروع
وهي
جبنة فيتا
نفتتها ومعها نضع
بقدونس مفروم ناعم
ورشة من البصل البودرة والتوم البودرة
واي بهار بنحبو
وممكن نضع لها ايضا
حبة البركة والسمسم
والان الايج
كنت قد كتبت عنو هون بالمنتدى
وهو اكلة كمان تغميسة بالخبز المحمص
وهي اكلة من التراث التركي .. وفي ناس لحد الان بيعملوها بالشام
الإيج مؤلفة من برغل ناعم مغسول ومنقوع لربع ساعة
نعصرو منيح من الماء ونضعة بالفرامة ومعه بصلة
وحص توم
وبقدونس
ونفرم منيح
وبعدين نبتدي بالاضافات
ملعقة صغيرة معجون بندورة
وكمان حبة بندورة مقشرة
وملعقتين صغيرة دبس رمان
ورشة فلفل وملح وملعقة كبيرة من معجون الفلفل الاحمر .. او فلفل احمر رشة اذا كان من الناشف
وكمون وملعقة واحدة صغيرة طحينة السمسم
وملعقتين زيت زيتون
واخر شي نضع ملعقتين تقريبا من الجوز المجروش
ونخلطهم الكل سوا
وممكن كمان نتحكم بالمكونات ونعملها بدون دسم يعني للحمية والريجيم
المكونات
برغل ناعم حوالي نص كوب
حليب سائل حوالي كوب وربع
بصل مفروم حبة
ثوم مهروس ناعم 2 حبة
ملح
وبقدونس مفروم
ونص كوب جوز مجروش
ولبنة حوالي 4_ 5 ملاعق كبيرة
اولا ننقع البرغل تقريبا نص ساعة بالحليب حتى بتشرب الحليب تماما
ثم نعصره باليد منيح ونضعه فوق باقي المكونات المذكورة اعلاه
ونحرك ونعدل المذاق حسب الرغبة
شكرا لكن عزيزاتي
و لكن مني كل الاماني الطيبة
ولي منكن الدعاء بظهر الغيب
الروابط المفضلة