المخ البانيه
من الاكلات المحببة لدينا
والطريقة سهلة وبسيطة
المخ بيتسلق بدون تقطيع
انا ماحبتش أجيب صورة ليه قبل السلق لأن مش الكل هايحب شكله
انما جبت صورته وهو مسلوق
انا بسلقه فى ماء ومعاه بصل وطماطم وجزر وورق لورا وحبهان
ومش بيتقلب كتير أثناء السلق لأنه حساس جدا
وممكن يتفتت
وده شكله وهو مسلوق
وبعد كدة بدخله الثلاجة ربع ساعة
ولما يطلع اقطعه مكعبات أو شرائح وادخله التلاجة مرة تانى ربع ساعة
وبعدها الثلاثى المرح
دقيق .. بيض .. بقسماط
الدقيق متبل بالملح والثوم البودر والبصل البودر
والبيض متبل بالفلفل الأسود
والبقسماط متبل جاهز
وفى المرحلة دى ممكن يتفرز
ووقت الأكل يحمر فى زيت ساخن غير غزير
وبألف هنا
الروابط المفضلة