وجبة كاملة من الفوسفور لعيون ايثار الشام
ملوخية بالجمبرى - ارز صيادية بالجمبرى والسبيط - جمبرى وسبيط بانيه
قدمتها مع طحينة وسلطة خضراء
اولا انا باجيب الجمبرى طازة ومش باخلى العامل ينظفه ليه بقى؟؟؟
القشور والرأس دى باعمل منها شوربة لعمل الملوخية او تساعدنى فى شوربة السى فود
طريقة تنظيفه سهلة جدا .. صورتهالكم
بعد غسل الجمبرى بالماء والخل
نفصل الرأس والذيل .. نقطع القشرة الخارجية بخط طولى من الظهر .. نزيل القشرة الخارجية
نفتح بطء فى الظهر مقدار 2 مل بالظبط لنزيل الخط الاسود بظهر الجمريياية ( واحدة الجمبرى يعنى)

ثم نشطفه بالماء

ناخذ القشور والرؤوس ونضعها مع كمية مناسبة من الماء + بصلة مقطعة + ليمونة مقطعة + ملح + كمون + فلفل احمر ( شطة) ونسيبهم يغلو على النار لعمل الشوربة




تقريا نصف ساعة وبعدين ناخدها نصفيها فى حلة تانية ونضيف بعض وحدات من الجمبرى صغير الحجم المتقشر جاهز ( ممكن بدون) ويغلى تانى حتى ينضج ونعمل الملوخية بالطريقة التقليدية ( فص توم لكل كوب فى التقلية)

اما الارز الصيادية
نقطع بصلة مكعبات وندبلها ( لا تصل لمرحلة الاصفرار) فى ملعقة زيت او زبدة ثم نضيف السبيط والجمبرى المقطعين ( ممكن جمبرى صغير بحاله) وفص ثوم مبشور ونقلب تقليبتين ثم نضيف اما ملعقة صلصة طماطم او ملعقة كارى او الاثنين زى ما انا عملت ونقلب ثم نضيف ماء بحجم الارز وملح ونتركه حتى يغلى

بعد الغليان نضيف ارز ونقلب جيدا ( ممكن استخدام الارز المصرى - المفضل - او البسمتى او حتى الارز البنى)
ملحوظة: هذا النوع من الارز يحتاج التقليب كل دقيقتين حتى يتشرب ( حتى لو لم تضيفى الجمبرى والسبيط)
وبعد ما يتشرب الماء ينقل على نار هادئة حتى تمام النضج

الجمبرى والسبيط البانيه
طبعا جمبرى مقشر وسبيط مقطع ونظيف
مش بحب الخلطات الجاهزة ليا خلطتى الخاصة
بقسماط مطحون + ملح + فلفل احمر + قرفة + زنجبيل + كمون + كزبرة + بودرة توم + بودرة بصل يخلطو مع بعض جيدا

نجيب سلطانية ( طبق عميق) نضع فيه الجمبرى والسبيط وعليهم بيضة نيئة او اثنان حسب الكمية
نغلفه بخلطة البقسماط ونضعه فى الزيت البارد وبعد امتلاء طاسة التحمير نشعل النار ونطلع على ورق نشاف


اتمنى يعجبكم زى ما عجبنى جدا وبوظت الريجيم عشانه
يقدم مع سلطة خضراء وطحينة

ما شاء الله ولا قوة الا بالله

ولا أروع يا أنابيلا

سلمت يمناك وصحتين وعافية

يسلموا ايديكى حبيبتى انبيلا روعه

صحه وهنا على قلبكم

تسلم دياتك يا عسل اشي مرتب ويا ريت يصحلي جنبري طازج كله مفرز عنا وحجم بابي
الف صحه عليكم

روووووووووعة روعة روعة جدآ يا أنابيلا
مشكوووورة جدآ حبيبة قلبي
أطباق و لا أروع
و أفكار جديدة , و تقديم مميز

عن جد شكرآآآآآآآآ كتير إلك , و يسلموا إيديكي , و إن شالله ألف ألف صحة و هنا
و عواااااااااااافي

( سؤال لو سمحتي : شو يعني السبيط ؟؟؟؟ )

تسلم الايادي وصحتين

حلو انا مثلك احب اجيب الجمبرى وانظفه واستعمل المرق بس عندنا الصياديه لون الرز بنى غامق
لاننا نحرق البصل ماهو السبيط

تسلم ايدك بس عمرى ماعملت الجمبرى بالملوخيه اجربها ان شاء الله

شكرا كثيرا لمروركم الجميل
بالنسبة للى ما يعرفش السبيط
فى كتير مش بيميزوه عن الكاليمارى لكن
من حسن حظى لقيت صورة فيها الاتنين

السبيط هو الكبير ده لكن الكاليمارى الصغير عشان كده قطعته شرايح بالطول مش حلقات زى الكاليمارى
هو بيبقى كمان اسمك واطرى بالنسبة لى طعمه احلى من الكاليمارى الى حد ما
ترانيم جربى الملوخية مش هتندمى ههههههههههههههه

مشكورة حبيبة قلبي على الصورة و التوضيح
تختلف المسميات من بلد لآخر

و هذا ما يسبب أحيانآ الغموض عند ذكر اسم معين

مرة تانية : مشكورة حبيبة قلبي

و أنا بانتظار المزيد من وصفاتك البحرية .

ماشاءالله عليك
الله يبارك فيك ويسلم ايديك