الفتوش مع الرمااااان 😃
الفتوش مع الرمانان شاء الله اليوم راح انزل وصفة سهله و معروفة عند اغلب الناس و هي الفتوش بس راح استعمل معاه نوع فواكه ما بيستعملوها كتير ناس في السلطة و اللي هي ( الرمان) !!!
السلام عليكم
اتصلت على امي الله يسعدها قبل فترة و حكتلها نفسي بفتوش فحكتلي اذا عندك رمان زيدي عليها رمان راح تطلع كتيير زاكية و فعلا ازكى فتوش و منظر بيشهيً
بصراحة ما صورت الخطوات كلها بالتفصيل لانها سهله و ما بتحتاج كتير توضيح بس اذا في اي استفسار انا جاهزة لالي سؤال
المكونات:
بندورة
خيار
خس
جرجير
رمان مفرط
فليفلة ملونة ( المتوفرة عندك! انا كان عندي فليفلة خضراء و ممكن استخدام كل الالوان اذا حبيتي بطلع شكلها روعة )
زيتون اخضر مقطع
بصل اخضر
فص ثوم مهروس
عصير ليمون
ملح
زيت زيتون
خبز عربي ( كماج)
الطريقة:
تقطع كل الخضار مكعبات صغيرة ( نفس حجم الخضار المقطع للسلطة العربية) و يفرم الخس وًالجرجير فرم ناعم و يضاف الرمان و الزيتون والثوم المهروس.
نضيف عصير الليمون و الملح وزيت الزيتون على خليط الخضار و يحرك.
يقطع الخبز مكعبات صغيرة باستخدام اليد او السكين و يفرد في صينية و يرش بزيت الزيتون و يحمص في الفرن ( ما بيخد وقت طويل حوالي دقيقتين حسب حم الفرن )
نضيف الخبز فوق الخضار و نحركه حتى يختلط ( حاولي اضافة الخبز فوراً قبل تقديم الفتوش حتى يفضل مقرمش و لا يتشرب الليمون و عصير البندورة و يصبح طري)!!
و صحتين و عافية ان شاء الله يكون الموضوع عجبكم هو سهل و معروف بس حبيت اشاركم في طريقتي ☺
ام جعفر
رد مع الاستدلال
مدونتي مطبخ ام مرمر و ليلو
كتبت بواسطة ام مرمر و ليلو
الروابط المفضلة