حبيباتي كيف حالكم ..هذي اول وصفة نشارك بها معاكم وان شاء الله تعجبكم وهي روعة في الطعمة والمنظر خذيتها من صديقة ليا درتها في تلبيسة اختي وعجبتهم موت وخطيب اختي بعثلي مسج يبي طريقتها هههههوتوا خلونا نشوف المقادير والطريقة بالصور
المقادير
نصف كيلو مكرونة ملونة وملوية مسلوقة في ماء وملح وشرايح دجاج صوابع مسلوقة في مية وملح وزعتر وفلفل اسود -وطماطمتين مقطعة مربعات وبصلة جوانح وثوم مفروم وشرايح من الفلفل الاخضر والفلفل الحلو ومادابيك الوان بس انا ماكنش عندي ومكعب ماجي دقيه مع الثوم وتوابل زيت زيتون وملح وفلفل اسود وزنجبيل مطحون وفلفل احمر طبعا الكمية متاع التوابل على رغبتك انا نحبها حارة وملعقة صغيرة طماطم الحكة وهذا على رغبتك بس يعطي طعمة روعة .
الطريقة :
نسلق المكرونة في مية وملح ونحطها على جنب بعد اطيب - وصوبعات الدجاج يكون صدر مسلوق في مية وملح وفلفل اسود وزعتر وحتى هو لين يطيب ونحطه على جنب .
نسيت نصور الدجاج المسلوق سامحوني ماهو كله جري في جري
نأخذ الطاوة متاعي ونحط فيها زيت زيتون ونضيفلها جوانح البصل والثوم ومرقة ماجي مدقوقة مع الثوم وكويشيك الطماطم والخضرة متاعي ( فلفل اخضر وطماطم وفلفل حلو ).
ونخليها الصوص حتى تطيب كان احتاجت شوية امية زيديها لو كانت خاترة هلبة بعدها نضيف الدجاج والمكرونة على الصوص متاعي ونحرك وتقدم صحة وهنا جربوها والاحلى انها تبات في الثلاجة .
صحة وهناء على احلى حبوبات ..في حفظ الرحمن .
الروابط المفضلة