كفتة البطاطس بالتونة والشيدر
يمى بجد حلوة وممكن تعمليها وتفرزيها ووقت الزنقة تطلع
يارب تعجبكم
(ترتيب المقادير والتصوير لمحمد الله يسامحه كان فاضى اليوم ده وقعد يبدع ويجننى )
بطاطس مسلوقة ومهروسة
حبة جزر مبشورة
تونة قطع مصفاة ومفتتة
جبنة شيدر تقطع اصابع
بشر نصف برتقالة + 2 ملعقة عصير برتقال او ليمون
شبت مفروم
ملح وفلفل اسود
بيضة
بقسماط
نخلط البطاطس والجزر والشبت وبشر البرتقال والملح والفلفل
نضيف التونة
وعصير البرتقال
أصر يصور وانا بعصر البرتقال << اللهم طولك يا روح
نقطع الجبنة اصابع
ونشكل الكفتة ونحشيها بالجبنة
ونقفلها عليها كويس
وبعد ما خلصت الكمية
نخفق البيضة مع ملح وفلفل اسود وملعقة لبن حليب
ننزل الكفتة فى البيض المخفوق
وبعدين البقسماط
وبعد ما جهزت الكمية كلها
ممكن نحطها فى الفريزر ربع ساعة
وبعدين نقليها فى الزيت
ونقدمها بالف هنا مع كاتشاب
والجبنة السايحة امممممممم
يارب يعجبك حبيبتى ام زياد
الروابط المفضلة