السلام عليكم ورحمة الله وبركاته

من ساعة ما شفت موضوع أم عدى وأنا إفتكرت علبة السماق اللى فى المطبخ
واللى تاهت فى غياهب أدراج التوابل من قلة الإستخدام

وفجأة طرأت على بالى الفوكيرة

وعملت فراخ مشوية بالسماق - عارفة إنها مش من المقبلات لكن قلت أحطها لكم - مع سلطة باذنجان مشوى وبرضه بالسماق وخضار مشوى وتخيلوا بإيه يا ترى؟؟؟

صورة للحلوين

للتشوييييييق

نيجي لمقادير التتبيلة ـ التتبيلة هنا لعدد ٢ فرخة صغيرة

كوب زبادى
ملح وفلفل
بصلتين كبار مفرومين
٣ ملاعق سماق
خل وفصين ثوم مهروسين
٢ معلقة كبيرة بهارات
شوية شطة
معلقة كبيرة بابريكا
٣ ملاعق كبار زيت ( أى نوع)

بس خلاص

نخلط مقادير التتبيلة وتتبل بيها الفراخ والخضار(طماطم - فلفل أخضر وأحمر وفلفل شطة - جزر - بصل ) ونسيبها شوية متبلة ساعة على أقل تقدير

سلطة الباذنجان المشوى بقى

المقادير

١ باذنجانة رومى - ملح وفلفل - ١ معلقة سماق كبيرة - ١ فص ثوم مهروس
سماق للتزيين وزيت زيتون ... ولو تحبى أضيفى شطة

الطريقة تشوى الباذنجان فى الفرن أو الجريل وبعدين نقشرها وتتهرس بالشوكة ويضاف التتبيل
وتزين وتقدم بالهنا والشفا

آه نسيت أقول إنى حطيت روز مارى برضه

وعلى الشواية أو الفرن على طوووووووول

بالشطة اللذييييييييذة

صور أخرى للشلة ... هات يا تصوير

زووووووم

أتمنى يكون عجبكم موضوعى وفعلا كان طعمهم متميز بالسماق
تحياتى للركن الهادئ الهادرررررر

ياسلام على اللذاذهـ والطعامه وجمال الطبق

أحسنتِ بوضع السماق يعطي حموضه رائعه

لكِ جزيل الشكر على طرح وصفتكِ الشهيهـ

ولا تحرمينا من جديدكِ دوماً.

تسلم الايادى الحلوة ياعسووووووووووووووولة


بالهنا والعافية عليكم

تسلم الأيادي يا بطوووووووووط

شكلهم بيشهي

يااااااااااااااااااسلام
روعه الطبق ومشهي وصحي وتتبيله ولااحلى
صورك معبره خالص لدرجة اني رحت عالتلاجه ىكل جوعتيني ههههههههه
واحلى سمقمق للسماق
قصدي احلى سلملم
وحاخد ده بس بطريقي