شوربة الكويكر..........!!!!!!

**om deema** · 02-11-2003, 06:49 AM

عزيزاتي.......
زوجي يحب الشوربة بالكويكر ( الشوفان) و انا ما عارفة اعملها كيف!sid
الرجاء المساعدة و مد يد العون!

**هوى نجد** · 02-11-2003, 08:05 AM

السلام عليكم ورحمة الله وبركاته
ابقدم لك طريقتي وانشالله تنال اعجاب زوجك
وهي الطريقه المفضله عند زوجي وجيراني
يقطع بصله ويوضع عليها قليل من الزيت ويحمس حيدا ثم تضعين عليه علبة من معجون الطماطم او اقل على حسب اذا كنتوا ترغبونها حمر مره والا خفيفه
وتضعين عليهاقطع لحم صغيره او قطع صدور دجاح
بالاضافه الى البهارات والملح والفلفل الاسود
اتركيها على نار هادئه لمدة عشر دقائق
وبعدين اضيفي نص القدر ماء
وبعد مايغلي تكونين اما منقعه الكويكر في ماء حار وتكبينها في القدر او تضعين الكويكر في كاس الخلاط مع ماء وتطحنينه وتكبينه في القدر وبعدهاقصري للنار واتركي الغطاء نص مفتوح
علشان ماتفور عليك واتركيها تطبخ من نص ساعه الى الساعه
ولو حسيتي انها ثقلة بزياده زيديها ماء
ولما يجي وقت القديم على كل صحن واحد منكم حطي قليل من البهارات والفلفل الاسود والكمون وهو ضروري للنكهه
وبالعافيه على معدة زوجك وانشالله تنال اعجابه

واي سؤال انا حاضره تامرين امر

**وسام** · 02-11-2003, 09:41 AM

انا اعمل شوربة الشوفان الكويكر اخذ بصلة وجزره وفلفل اخضر و كزبراء وابشرهم او احطهم في الخلاط واخلطهم مع بعض واخذ قطع اللحم الصغير واخليها تغلي ربع ساعة وبعدين احط عليها الجزر والبصل والكزبره والفلفل واخليهم ربع ساعة وبعدين احط عليهم ملح وفلفل وبهارات والشوفان حسب الكمية يعني تبغي غليط والا سائل واخليهم نصف ساعة على نار هادية ..