مخلل البنجر او اي مخلل آخر!

عزيزاتي..اكلت قبل مدة مخلل بنجر رهييييييييييب , يا ريت تساعدوني بطريقة عمله. او طريقة عمل اي مخلل آخر ...مخلل الجزر...الليمون...البادنجان....الخ
اكون شاااااااكرة.

من عيوني اختي ام ديمة ... انت آمريني أمر ... انا كتبت عن مخلل الثوم قبل ستة او سبعة اشهر عندما كنت اكتب بأسم شوكة وملعقة ... ابحثي عن الموضوع وستجدينه إن شاء الله .. في نفس الوقت انا سأبحث في ملفاتي عن وصفات المخلل وعندي منها كثير وسأكتب لك شوية وصفات مخلل ... في نفس الوقت اختي في سؤال طرحته لك في موضوع الفول لو تجيبين عليه علشان انا ناوية افطر الفول السوداني اليوم ان شاء الله .

اختي ام ديمة ... الوصفة هذي لكيلو بنجر ..

المقادير كيلو بنجر مغسول ومنظف ومنزوعة الاقماع من فوق وتحت .

3/4 كوب سكر
3/4 كوب خل التفاح
عودين دارسين ( قرفة )
ذرة ملح وذرة فلفل اسود ( الكمية حسب الرغبة ... ولكن الفلفل الاسود طعمه كثير حلو لو تزيدي شوية )


الطريقة ....

اسلقي البنجر المنظف في وعاء لمدة نصف ساعة ..

صفي البنجر من الماء باستثناء ثلاث اكواب من سلق البنجر للاستخدام في التخليل.

بعد ان يبرد البنجر شوية ويصبح قابل للمس قشري الجلدة راح تنتزع معاك بسهولة بعد السلق... ثم قطعي البنجر مكعبات حسب المقاس اللي يناسبك وكل ما صغرت شوية كلما صار طعمها احسن وتخللت بسرعة طبعا .

ضعي وعاء على نار خفيفه اضيفي الخل والسكر والقرفة والفلفل الاسود والملح وحركي على مهلك ثم اضيفي مقدار كوبين من ماء السلق وواصلي التحريك حتى يصل إلى درجة الغليان ويتجانس الخليط ( مثل يعني لما تغلي شوية حليب .. على مهلك )

بعد ما يتجانس .. ارفعي اعواد القرفة من الخليط وتخلصي منها ثم ضعي البنجر المقطع مكعبات في مرطبان ثم صبي خليط المخلل على البنجر واغمريه بأكثر من ثلاثة او اربعة سنتيمتر فوق سطح البنجر.. تخلصي من فقاعات الهواء اللي في داخل المرطبان علشان ما يسبب في تعفن والأحسن لو كان عندك مرطبان يتسكر كويس تضعيه بعد ان تقفليه جيدا في ماء يغلي لمدة نصف ساعة علشان يطرد كل الاكسجين من المرطبان .. بس اعملي حسابك يكون وضع المرطبان بالتدريج ولا يكون المرطبان بارد ويتكسر لما يصطدم بماء حار.. والخطوة هذي سويها بعيد عن الاطفال وهي مش مهمة كثير ولكن مفيدة لو حبيتي تحفظي الملخلل وقت طويل ما يتلف.

طبعا من الافضل ان يترك المخلل لمدة اسبوع او اكثر علشان يطلع طيب.

ولو حبيتي وصفات مخلل ثانية انت آمريني امر يا عزيتي .

تسلمي...تسلمي...تسلمي يا احلى دردشة! اخبار الكمونية شنو؟ لسه محتاجة لاسعاف؟!!!!

قولي لي يا دردشة...هل ممكن استبدال خل التفاح ب خل عادي؟ و هل ممكن اضافة ثوم و شطة ؟ و بعدين شفت مرة الشيف اسامة استعمل عسل النحل بدل السكر ...هل جربتي الطريقة دي قبل كده؟

معذرة اختي ام ديمة .... والله ما انتبهت لاستفسارك هذا.

بالنسبة للخل .. طبعا ممكن تستخدمي الخل العادي ولكن لازم تعرفي ان الخل العادي خل صناعي ومضر بالصحة

اما بالنسبة لسؤالك عن اضافة الثوم والشطة طبعا ممكن وممكن تضيفي ايضا اي نوع بهارات

في المخلل اهم شيء يكون فيه خل وتستخرجي فقاعات الهواء علشان ما يفسد بفعل الاوكسجين اما المنكهات والمطعمات فهذي مسألة ذوق شخصي يا اختي.