السلام عليكم
بما انها اليوم برد كتيررررررررررر قررت اعمل شوربة عدس بس ضفنا مكون جديد رح تشوفوه في المقادير هالمكون غير لون الشوربه وغير في الطعم على شان نطعميها لاولادنا الي نفسياً ما بحبو العدس
الشوربه
المقادير
2 كاس عدس
6 كؤؤس ماء
1بصله كبيره
1 جزره كبيره
ثلثين كاس زيت زيتون
ملح
فلفل اسود
كمون
قطعة زنجبيل طازج
والمكون الجديد حبة شومر
الطريقه
اغسلي العدس وضعيه في وعاء انا وضعته في طنجرة الضغط لكسب الوقت
ووضعت جميع الخضار بدون تقطيع لانه رح يطلع في طنجرة الضغط ناضج على الاخير وبالتالي رح نخفقهم على الكهربا
ضفت الماء
وضعت الطنجره على النار حتى قربت على الغليان وطلعت منها الفوره تاعت العدس
بعد هيك صفت الزيت +البهار والملج واغلقت الطنجره وتركتها نصف ساعه
خفقت العدس على الكهرباء
وحصلت على ملمس رائع للشوربه
وانا على طول تناولتها تغلى
تفضلوووووووووووو
تقدم مع الفجل والفلفل واهم شي البصل الاخضر ( اشي فاخر عالاخر )
في بعض الاحيان بنحب نتناول البصل الاخضر ولكن لا نستطيع لانه عنا مشوار عنا طلعه او بدها ناس تزورنا وما بنحب يضل في تمنا طعمة البصل
انا جربت اشياء كتيره منها البقدونس ومنها حب الهيل ومنها النعنع ومنها المستكه صحيح بضيع القليل من طعمة البصل وما بتقضي عليها
من فتره جربت شي واكتشفت انه بقضي قضاء تاااااااااااااااااااام في نفس اللحظه على رائحة البصل الاخضر من الفم
وهووووووووووووووووووو
شرائح الزنجبيل المجففه وبتكون مجففه بدون سكر بس ظاهر على سطحها السكر الي بيطلع منها اثناء التجفيف ((((هيك قاولولي هم وذمتهم انها فش فيها سكر ))))
جربوها ورح تدعولي ومش رح تنحرجو من اكل البصل بعد اليوم وعلى ضمانتي
فيها حرقه بتخليكي تدمني عليها من كتر ما هي زاكيه اصلاً
سلالالالالالالالالالالالالام
الروابط المفضلة