السلام عليكم ورحمة الله وبركاته

ازيكم يا بنات

اخباركم ايه ان شاءالله كلكم بخير

من زمان وانا مشاركتش بحاجة فى الطبخ وده لانى مشغولة جدا وبرضه موضوع الصور بياخد منى وقت ومش هعرف اقدم صور حاليا لكنى قررت انى اشارك حتى لو من غير صور المهم انى اقدم شىء بسيط لحبيباتى فى منتدى لكى

فشاركينا اما بوصفة من ابداعك بالصور لو مقدرتيش يبقى من غير صور لو مقدرتيش يبقى تطبقى حاجة من اللى هقدمها

اخترت البيض لانه مفيد جدا فيه نسبة كالسيوم وبروتين

اول حاجة لازم نشوف اول البيضة صالحة للاكل ام فاسدة وده بنعرفه بحاجة بسيطة جدا وهى انك بتحطى البيضة طاسة فيها مية لو نزلت تحت وفضلت تحت تبقى صالحة انما لو طفت على وش المية تبقى فاسدة وترميها على طول

انتظرونى بالوصفات ومنتظرة ردودكم لاكمل

ياترى هترودا ولا الموضوع مش عاجبكم

كملي بارك الله فيك

معاكى ياجميل

أهلا بك من جديد غاليتى
بانتظار وصفاتك وتفاعل الأخوات

اكملى نحن فى الأنتظار بارك الله فيك

شكرا لك يا جنى

وقد كان
للبيض مهرجان عبر صفحات منتدنا

وان شاء الله نرى اطباقا جديدة

اهلا يا جنى

بانتظار تفاعل العضوات و جديد وصفاتك

شكرا ليكو كلكم نورتم الموضوع وعلى فكرة الملف ينفع اوى للمبتدئات

ما شاء الله ولا قوة الا بالله

الطريقة الاولى

البيض المسلوق

طبعا مفيش اسهل من كده
بتحطى البيض على النار فى مية وتتركية ربع ساعة الى ان ينضج
بعدها بتقشريه
وفيه طريقة تانية هو انك بعد ما تقشريه تقليه فى الزيت بيبقى جميل
اوعى ترمى البيض اللى طلعتيه اقليه

الطريقة التانية
البيض باللحمة المفرومة

متستغربيش بيبقى طعم وشكل جميل وبيبقى حلو اوى لو عندك عزومة بيعطى شكل حلو
اللى بتحتاجيه بيض ولحمة مفرومة معصجة
بتعملة ثقب فى البيضة بسكينة وتفضى جزء من البيضة فى طبق وبتحط فى البيضة من الثقب ده اللحمة وتحطيها فى صنية بطاطس مثلا فى الفرن
بعد ما تستوى وتقشريها بتلاقى نص بياض البيضة والنص اللى فوق لحمة مفرومة
وممكن بعد ما تدخلى اللحمة المفرومة ترجى البيضة بعد ما تستوى وتقشريها بتلاقى الشكل الناتح مزيج من البياض والصفار واللحمة المفرومة

الطريقة الثالثة
البيض المقلى
المقادير
بيض ملح فلفل كمون

الطريقة
بتربى البيض بالملح بالفلفل بالكمون
وتقليه فى الزيت تقلبيه على كل جنب الى ان يستوى
وده بتعرفيه بالشوكة لما تحطيهافى البيض ان لقيتى لسة فى بياض وصفار نى فى النص سيبيه شوية كمان

الطريقة الرابعة
البيض عيون
نفس المقادي فى الطريق السابقة
الطريقة
تكسرى البيض بس مبتقلبهوش وبتقليه
بعد ما يستوى ترشى عليه ملح فلفل كمون

تابعونى
فاصل ونواصل

الطريقة الخامسة
البيض بالبطاطس
المقادير
4بيض ملح فلفل كمون حبة بطاطس صغيرة
الطريقة
1تقطعى حبة البطاطس مكعبات بس سمكها رفيع وتحطى عليا ملح بسيط
2-تقلى البطاطس فى الزيت نص قلى
3-تربى البيض بالملح بالفلفل بالكمون
4-تحطى البيض على البطاطس فى المقلاية
5- تسيبه شوية ثم تقلبيه على الوجه التانى الى ان يستوى

الطريقة السادسة
البيض بالبسطرمة
المقادير
بيض ملح فلفل كمون بسطرمة
الطريقة
1- بقطعى البسطرمة قطع صغيرة
2- بتحمريها فى الزيت
3-بتربى البيض بالملح والفلفل والكمون
4-بتحطيه على البسطرمة الى ان يستوى

الطريقة السابعة
البيض بالجبنة الرومى
المقادير
بيض جبنة رومى فلفل اخضر طماطم (بتحطى قطع بسيطة منهم مش كتير) زيتون اسود مقطع (ممكن جبنة مونزيلا اختيارى)
الطريقة
1-حطى الطماطم والفلف الاخضرف الزيت اول يستوا
2-ربى البيض بلملح والفلفل والكمون
3- ضعى البيض على الفلفل الاخضر والطماطم
4- ضعى الجبنة اورمىوالزيتون واتركيه ثم تقلبيهم الوجه التانى
تابعونى للموضوع بقية

الطريقة الثامنة
بيتزا البيض
المقادير
بيض ملح فلفل كمون طماطم توم زعتر جبنة رومى جبنة مونزيلا فلفل اخضر طماطم زيتون اسود

الطريقة
1- تقلى البيض بالملح والفلفل والكمون بالطريقة الثانية
2- طريقة عمل صلصة البيتزا
تغسلى حبة الطماطم وتحطيها فى مية على النار الى ان تستوى
بعد كده تشيليها من على النار وتقشريها
حمرى فصين ثوم فى زيت ثم ضعى عليهم الطماطم المقشرة دى وعليهم
ملح فلفل زعتر واتركيهم الى ان تسبك
3-ضعى الصلصة على البيض المقلى
4- ضعى الفلفل الاخضر والطماطم المقطعين والجبن والزييتون
5-دخليها على الشواية فقط الى ان يتحمر الوجه



الطريقة التاسعة
عجة البيض
المقادير
7بيضات بقدونس وكسبرة وشبت بصلة متوسطة ملح فلفل كمون
الطريقة
1- تقطعى البصلة والبقدونس والكسبرة والشبت
2-ضعى البيض والملح والفلفل والكمون على ماسبق
3- قلبى كويس وحطيهم فى صنية مدهونة زيت
4- رشى زيت على الوجه
5- دخليها فى الفرن الى ان تستوى

ممكن تتقلى على النار حسب الرغبة
وممكن تضيفى ليهم حبة بطاطس مسلوقة ومهروسة بس فى الحالة دى قللى البيض

الطريقة العاشرة
لو عندك صنية بطاطس بايتة اكسرى عل الوش بيضتين ورشى ملح وفلفل وكمون ودخليها الفرن


يارب تكون الطرق عجبتكم واستفدتم منها
ادعولى بصلاح الحال وراحة البال وربنا يباركلى فى جوزىواولادى احمد وجنى ويخليهم ليا