قديد العيد "لحم مجفف""قفره" من اطباق عيد الاضحى فى البيت الليبي

**اريناس** · 22-11-2010, 05:50 AM

القديد اليبيى من امريكاا

من عادتنا فى ليبياا لحم القديد الذى يزيد من نكهة العيد ونستعمله فى اياام الشتاء فى اكلاتنا

مثل الحساء

والمقطع

وارز الجاارى

والبازين بقديد

طريقته:::

ناخذ اللحم واشرحه رقيق مايكون طبقته غليضه

يعنى بشكل طويل مثل الحبل او تشرحيه مثل طريقة الشوي بس ارق ونحطه فى صحن

- وندير تتبيله لى لزم يقعد فيه ليله بيش يمص المكونات وهى::

ملح + بهارات + بزار + فلفل احمر ( كلها نفس المقدار ويحكم فيها كمية اللحم ) وملح بزيده حتى يمنع التعفن

نخدي مقادير كلها وتخلطيها مع الزيت او ماء وطبعن قليل وتبلى بيها اللحم الى مجهزتيه شرايح رقيقة

وتاخديه تنشريه فى الشمس

واو لى كيف حالتى فى الغربه وثلج تخليه تحت التدفئه 5 اياام

مع تقليب مستمرحتى تتوزع حرارت الشمس اوالهواء المكيف ويمنع اللحم انه يعمل رائحة

طبعا نحن صقع فنشرته تحت التكيف وااستخدمت شباك غسل الصحون كمنشــــــــــــــــر ههههههههههههههههه

وهناا بعد ايام قطعته الى قطع صغيره وتركته يومين يجف اخرى

وهنااااااا طيبته

وهنااااااااااااااا ايممممممممممممم

**ابريكه** · 22-11-2010, 05:57 AM

ياعيني ياعيني
يسلمو يديااااااااااااااااااااااااات المعدلة
واني درتة بس ما صورتة للاسف
لان زي ماقلتي ارنوسة
لازم منة في العيد
وعندة جوووووووووووووووو
مش عادي
ان شاء الله كل عام وانتي بخير واديرية في بيتك وبلادك عالحبال
وتذكري كيف كنا انديرو فية بالغربة
والغاية ام الاختراع
ههههههههههههههههه
والله فكرة خطيرة شباك غسل الصحون
صحيحة علي قلوبكم سومة
ديمة منورة