بسم الله
انا اتابعكم دوما وهذه اولى مشاركاتي
بصراحة انا ماني فنانة بالطبخ بس بحب التجديد والتجريب المهم امبارح شفت على فتافيت وصفة شوربة كنت انا وبنوتي وفورا على غير عادة وقفنا وساويناها وطلعت ياي شو بدي قولكم يللا هاي الوصفة
المقادير
حبة بطاطا صغيرة
حبتا انكينار ارضي شوكي كبيرة
حبة بصل صغيرة
سن توم
ملعقة كبيرة جبنة دهن او كاسات
الطريقة
نقطع البصل والتوم ونقليهم بملعقة زيت
نقطع البطاطا والانكينار ونضيفهم ثم نضيف الماء ومرق الدجاج مكعب والملح والفلفل حسب الذوق ونتركها لتنضج حوالي ربع ساعة والا ن جاء دور الخلاط اليدوي نهرسها للاخر ونضيف ملعقة الجبنة ونهرس ونتركها لدقائق عالنار تتهدى هي قوامها سميك وهيك اطيب لذلك لا ننسى التحريك لكي لا تحترق
واذا اقدرت تصبري وما اكلتيها كلها صبيها بصحون وزينيها بالبقدونس الناعم
امانة جربوها وقولولي رايكم بصراحة حتى اتشجع واعطيكم وصفاتي هههههههه
رد مع الاستدلال
الروابط المفضلة