السلام عليكم ورحمة الله وبركاته

بنات عندي سؤال بالنسبة لمخلل اللفت والخيار

كير بحبه وبحب أعمله بس عم بتصير معي مشكلة إنه ثالث يوم من كبيسه بصير كتير "مرهرط"!! يعني حبة اللفت نفسها طرية وداااااايبة كتير مو يابسة زي ما المفروض تكون. يا ترى شو السبب؟

هي طريقتي بعمل المخلل..
بعيِّر مقدار ماء يكفي للمرطبان.. بغسل اللفت وبقطعة وبحطه بالمرطبان وبغسل الشمندر وبقطعة وبحطه فوقه. بعدين بدوب ملعقة كبيرة ونص ملح مع الماء وشوييييية ملح ليمون وشوية صغيرة سكر وبدير الماء على المخلل وبس..
ونفس الشي بصير معي بمخلل الخيار كمان!!

ياريت تساعدوني وأعرف شو المشكلة بليز..

وشكراً

عن جد غريب يلي بتحكيه في 3 ايام بخرب
على كل الاحوال انا ما بعمل لفت ما بحبو عندي بس عندي طريقة الخيار والفقوس بضل عندي سنه كامله يقرش بهي الطريقه لاحظي كاس الماء وملعقة الملح كم





مخلل الفقوس


المقادير فقوس حجم صغير



1 لتر ماء
60 غم ملح تماما
1 ملعقه صغيره سكر
1 ملعقه صغيره روح الخل
فلفل حراق حسب الذوق


الطريقه


نغسل الفقوس +الفلفل بالماء
بالسكين نعمل حز في كل فقوسه
نضع الفقوس في الوعاء المراد التخليل به
انا افضل قناني العصير لانه يبقى سنه كامله
في كل قنينه اضع 1 قرن فلفل حراق
نذوب الملح +السكر في الماء ونعبي على الفقوس
نضع ملعقة صغيره روح الخل لكل قنينه








اعملت كمان خيار بلدي بنفس الطريقه

اهلا كيرلي
شوفي يا قمر
انا عياري للمخلل

لكل 2 ماج (كوب كبير)ماء
ملعقه كبيره ملح
فنجان قهوه خل
اخلطيهم في وعاء و حركي حتى يذوب الملح
ثم عبي الخيار او اللفت في مرطبان و صبي مزيج الماء و الملح و الخل عليه
سكري المرطبان و اتركيه من 10-اسبوعين و كلي احلى مخلل

مرحبا كيرلي طبعا الغاليه سوسن واكيد طريقتها صحيحه لكن غالايتي
هناك ملاحظات وهي

اولا عند عمل اللفت مخلل يراعي ما يلي

اولا قشري اللفت ورشيهخ بالملح بعد التقطيع واتركيه ليله كامله حتي نتخلص من الماء الزائد به وايضا الرائحه المزعجة التي قد لا تستساغ لاحقا

الان انا اقوم بغلي ماء واضيفه للفت ويترك لحتي يبرد تماما

ثم يصفي ولحتي تحصلي علي مخلل مضبوط

اقوم بغلي الماء ويترك ليبرد اضيفي الملح له لكل كوب ملعقه ملح وعند التخليل اضيفي ملعقه سكر وفلفل حار ايضا شرائح الشمندر لكن الافضل غلي الشمندر والحصول علي اللون من الشرائح جربيها غاليتي وانا استبعد الخل لان السكر كافي باعطاء المذاق المطلوب والحموضه غاليتي دمتي بود 0

كمية الملح عندك قليلة وغير مناسبة لكمية المياه

شخصيا
اغسل اللفت واقطعه
ورأسا احفظه في الماء المملح والسكر بدون اضافة الخل
فقط اضيف بعض الحمص اليابس ليبقى المخلل مقرمش

وعيار الماء المعتمد عندي

كل فنجان ماء له ملعقة صغيرة ملح وربع ملعقة صغيرة سكر فقط

بالتوفيق

يعني كمية الملح عندي قليلة وهذا اللي سبب الطراوة للمخلل؟
طيب كمان اشي نسيت أذكره انه طلعت طبقة لونها ابيض على وجه المخلل بالمرطبان!!! طبعا شكلها مزعج!! شو السبب؟؟ كمان من قلة الملح؟

وشكراً للكل اللي ردوا علي أنا مابحب أحط خل للمخلل وبكتفي بملح الليمون والسكر بعطيه حموضة وطعم حادق..

يعني لكل Mug ماء أحط ملعقة ونص كبيرة ملح؟؟؟

يعني كمية الملح عندي قليلة وهذا اللي سبب الطراوة للمخلل؟
طيب كمان اشي نسيت أذكره انه طلعت طبقة لونها ابيض على وجه المخلل بالمرطبان!!! طبعا شكلها مزعج!! شو السبب؟؟ كمان من قلة الملح؟

ايوه يا عسل قلة الملح السبب
وانا متلك ما بحب احط الخل وباكتفي بالسكر بيعطيه حداقة وحموضة
والمعيار عندي فنجان الشاي العادي
لان المج كبير تقريبا بمعيار كوب ونص من اكواب الشاي العادي

استعملي الملح البحري بدون يود لان ملح اليود يخرب المخلل

شكراً وعودة وكل الصبايا