*وصفات متميزة*أطباق مختلفه من مطبخي هلا بيكم
ألسلام عليكم
كيفكم صبايا شو الاخبار
عجة الجبنه البيضا مع البيض إشي فاخر ومحبوبه كتير وتنفع فطور أو عشى
بسيطه وسهله وما فيها أي غلبه
ألمقادير
2 قرص جبنه بيضا تقريباً300 غم
3 بيضات
قليل من الزيت
ما بنحتاج هون ملح لإنها الجبنه مملحه
ألطريقه
ضعي قليل من الزيت في مقلاه على النار وفتتي بها الجبنه
اتركيها حتى تسيح
اخفقي البيض بالشوكه وصبيه فوق الجبنه
اتركيه على النار حتى يجمد ويحمر من الأسفل واقلبيه على الوجه الاخر
وتلذذي بالعجه الرائعه
سلالالالام السلام عليكم
للناس يلي ما بحبو البيض
بامكانهم قلي الجبنه بزيت ويحمروها
ويتناولوها على افطور او العشى
انا كان هذا افطاري لليوم
هسا عندي الجبنه النابلسيه مقليه بالطحين
شفت هالخطوه هي على برنامج على التلفزيزن عجبتني قلت أجرب
الصراحه من يومها بس هيك بقلي الجبنه اشي لا يصدق
طبقة الطحين بتعطي طعم مقرمش للطبقه الخارجيه للجبنه بتشهي
ألمقادير
عنا جبنه نابلسيه نصف ملح مقطعه مربعات
طحين أنا استعملت طحين قمح
قليل من الزيت
ألطريقه
تبلي قطع الجبنه بالطحين
إقليها في زيت ساخن
إقلبيها على الجهه المعاكسه وانتظري حتى تكتسب اللون الذهبي الرائع المقرمش
شيء لالالالالالالالالالالا يقاوم
ألف صحه يا رب كيفكم جميعاً
عندي اليوم طبق الفطر الطازج بلحمة خروف راس العصفور
المقادير
1 بصله كبيره
300 غم لحمة خروف مقطعه قطع صغيره
10 حبات فطر طازج
ملح
فلفل اسود
قليل من زيت الزيتون
نصف كاس ماء
أضيفي قرن فلفل حار وسيعطيكي طعم رهيب
ألطريقه
أفرمي البصل شبر وذبليه مع قليل من الزيت
أضيفي اللحمه واتركيها على نار هادئه 10 دقائق ثم أضيفي نصف كاس من الماء واتركيها ربع ساعه حتى تنضج وتتنشف من الماء
أضيفي الفطر المقطع والملح والفلفل اتركي المزيج على النار 5 دقائق فقط
قدميها بالعافيه ان شاء الله
اخخخخخخخخخ نسيت قرن الفلفل الحار
الف صحه عليكم
سلطة افوكادو
اليوم حبيت الافوكادو يكون بدون اضافات كتيره
المطلوب
2 حبة افوكادو
ملح
عصير حبة ليمون
زيت زيتون
الطريقه
قشري حبات الافوكادو وقطعيها
اضيفي لها عصير الليمون +الملح+زيت الزيتون
واهرسيها بالشوكه
ويمي يمي
مش قلتلك يا ام عدي بدي جاورك انا
الف صحه يا رب
سلالالالالالالالالالالالالالالام
رد مع الاستدلال
كتبت بواسطة وعود الخير
الروابط المفضلة