بأضافات بسيطه ممكن اغير نكهات اطباقى للافضل (( الطحينه // الخيار المخلل ))
صباح الخيرات نواعم
اطباقنا هى هى لكن مع اضافات بسيطه جدا ممكن اغير طعمها منها للافضل ومنها للتغيير
اول طبق الطحينه
انا اعتدت اعمل الطحينه بالتوم
وحبيت مره اغير عملتها بورق البصل
لكن علشان صعب دائما الحصول عليه
فأتلقيت حاجه قريبه جدا جدا من طعمه
وهى عيدان البصل الاحمر بتاعنا
كتير بنلاقى البصل مطلع جدور صفرا فى خضرا
ده بأخدها وافرمها مع قطعه صغيره من الفلفل الاحمر
وبضيفه على الطحينه مع نفس الطريقه
بيكون طعمها رائع
الطبق التانى الخيار المخلل
اضافاتى للخيار
فصين توم مدقوقين
كرفس مقطع
مع تخليل الخيار بنفس الطريقه
بيكون طعمه لا يقاوم
والمكونات الاساسيه للخيار المخلل
خيار
ماء ملح
توم
كرفس
شطه
خضرا
شطه مطحونه
قليل من الخل
الطريقه
غالبا الخيار لما بيغيب فى الماء بيمور
فأنا اتعودت اقطعه طبقات
يعنى الطبقه الاخيره من تحت اسيب الخياره سليمه مع عمل شق بسيط
والطبقه التى تعلوها اقطعها نصين
والطبقه العلويه اقطعه قطع
فى جميع انواع مخللاتى
ملياش معيار معين للملح
يعنى بحضر طبق واملاه مايه واضيف الملح واقلب واتذوق فلازم يكون الملح انا متقبله تذوقه
يعنى ولا خفيف ولا كتير
وملحوظه تانيه
لو الملح كتير بيكون افضل ما يكون خفيف
وعلاجه ان بعد ما يتخلل المخلل عندى بخفف مايته بماء علشان اوصل للحدق المظبوط
لكن لو الملح خفيف ممكن يبوظ المخلل
رد مع الاستدلال
[
الروابط المفضلة