**وصفه مبتكره**اسرع منيو سهل و تجديد كمان .. اسكندراني
حبيباتي و اخواتي في الله
حابه اعرض عليكم المنيو بتاعي السرييييييييييع و الشهي
و السهل و الغير مكلف
المنيو كان عبارة عن كبدة اسكندراني , سجق اسكندراني
قدمتهم مع بطاطس محمرة و عيش بلدي و سلطه خضراء وااااااااااو
جربوه و ان شاء الله هيعجبكو اوي
بسم الله نبدأ
الكبده الاسكندراني
الطريقه و المقادير
1\2 كيلو كبدة بقري مقطعة شرائح
بصله كبيرة مقطعة شرائح جوليان
2فص توم مدقوق
1 فلفل اخضر بارد او حامي حسب الرغبة
2 ملعقه صغيره خل
ماح و فلفل و بهارات
تخلط المكونات كلها و توضع في اناء
تترك لتتبل بعض الوقت بالثلاجة
عند الطهي نشوحهم مع 2 ملعقة زيت مع التقليب
يتم النضج بعد حوالي 10 دقائق
ممكن يقدم كمنيو منفصل مع البطاطس المحمرة
ثانيا: السجق اللاسكندراني
الطريقة و المكونات
1\2 كيلو سجق شرقي يقطع شرائح بالعرض
( و يراعى عند تقطيع السجق و الكبدة ان يتم التقطيع و هي في حالة مجمدة قليلا يعني منستناش لما يفكوا من الثلج بشكل كامل لأن ده بيسهل عملية التقطيع )
بصلة كبيرة مقطعة مكعبات
فلفل الوان مكعبات
ا طماطم كبيرة مكعبات
ملح و فلفل , زنجبيل و كركم
الطريقة
ممكن يخلطوا جميعا كما في السابق
ثم يشوحوا
او يشوحوا بالترتيب البصل ثم الفلفل ثم حلقات السجق ثم الطماطم و البهارات
و قد يحتاج القليييييييل من الما ء او لا يحتاج
و ايضا يتم الاستواء سرييييييييعا
و ديه صورة بس للاسف سيئة و مش باين شكل شرائح السجق
اتمنى ان تعجبكن حبيباتي في الله
جربوه و بالف صحه و هنا
دمتن في حفظ الله و رعايته سبحانه و تعالى
و السلام عليكن
رد مع الاستدلال
كتبت بواسطة د.سوسن
الروابط المفضلة