صلصة توم البيك و على مزاجك

مين فيكوا جرب صلصلة التوم بتاعت البيك
انا بصراحة ما دقتهاش غير لما جيت السعودية
روعة و بحبها انا و زوجى جدا
فكرت اعملها فالبيت بس تعبت من التجارب
مش عاوزة تطلع زى بتاعت المحل ابدا

و عملت بحث عنها على الانترنت
لحد ما لقيت اللى عملاها بالبطاطس المسلوقة و بالنشا و ببياض البيض و الزيت بصراحة و لا واحدة دخلت دماغى

لحد ما عملتها بطريقة مبتكرة و الطعم تقريبا و احد و اللون و القوام

اقول لكوا على افتكاستى بقيت بفتكس كتير اليومين دول ربنا يستر

الطريقة:

1. شوحت معلقتين دقيق مع زيت كتير يعنى يغطى الدقيق مرتاح و على النار
2. حطيت عليها كوباية لبن حليب طبعا هيتقل اوى
3. روحت على الخلاط و حطيتها فيه
4. حطيت معلقتين توم مفروم و نص ليمونةو شوية ملح صغيرين
5. حطيت عليها تقريبا كوب لبن تانى بالتدريج و الخطوة دى بتاعتك
6. يعنى تحددى القوام المطلوب تقيل خفيف براحتك
7. دوقيها لو عاوزة ملح برضه تظبطى اللى على مزاجك

جربوها و هاتدعولى ان شاء الله بس لو باظت
ما تدعوش عليا

تسلمى على الوصفة الجميلة
الله يعطيكى الف عافية يارب

متشكرة اوى اوى يايريت حد يجربها و يقولى رايه
يا لا ياجماعة محدش عاوز يجربها و الا ايه
انا مستنية بس من غير ما تدعوا عليا

يعطيك العافية ان شاء الله بجربها

دى ما بقيتش صلصة توم البيك
دى بقت صلصة دعاء باسل
هههههههههههههههه
تسلمى هجرب

تسلمي ياقمر ع الوصفة جاري التطبيق ان شاء الله

انت قصدك على الثوم اللي بيجي مع البيك
بس ده بكل بساطة مايونيز بنكهة الثوم
فيه محل في المدينة الثوم بتاعه توووحفة تتعبي وانت تقولي توووحفة

اسمه عكاوي لما ناكله مع البطاطس روووعة

لكن وصفتك قريبة من البشاميل بس بنكهة ثوم .

لكن معليش ولا يهمك تسلم ايديك اكيد انت تعبت حتى اكتشفتيها يقمر .

ربنا يسعدك.

تسلم الايادي

تسلم ايديك فكره حلوه بشميل بالثوم يعني الف شكر