حد يقولى اعمل ايه باللبن الرائب

**MarwaAhmed** · 30-09-2009, 03:38 PM

السلام عليكم ورحمة الله وبركاته

ياريت يابنات تقولولى ازاى استفيد باللبن الرائب .. احيانا اجى اغلى اللبن الاقى جبن وبرميه .. ياريت تفيدونى فى طريقة استفاد بيها باللبن المجبن بدل ما ارمية

وشكرا اخواتى

**تغريد2007** · 30-09-2009, 04:13 PM

حبيبتي اذا قصدق اللبن الزبادي ضعيه في شاشه وصفيه من الماء واستعمليه لبنه
اما اذا قصدق حليب سائل لما تغليه بجمد رايب معناها بكون خرب حبيبتي ولا بد من رميه

**الجدة ام اشرف** · 30-09-2009, 05:00 PM

والله لا أعرف يبقى خرب ام لا و اعتقد انه رايب و ينفع يتعمل بيه جميع انواع المعجنات

**ســــــــــاندي** · 01-10-2009, 12:57 AM

لا طبعا مش خرب ومترميهوش دا اللبن الرايب فوايده رهيبة وأفيد من اللبن العادي حرام انه يترمي

ممكن تغليه وتضيفي له شوية ملح وتصفيه في شاشة وهتلاقيه بقى جبنة بيضا جميلة أحلى من اللي برا اللي الله أعلم فيها ايه
أو ممكن تستخدميه في عجن المعجنات بأنواعها بيديها طراوة جميلة
وممكن تتبلي بيه الفراخ والبوفتيك شوفتي بقى فوايده كتيرة الزاي

**totah_mody** · 01-10-2009, 10:34 AM

اختى مروة لا ترميه واحب اقدم لكى نصيحة يارب تفيدك
قبل ما تغلى الحليب اختبريه الاول تجيبى ملعقة وتمليها بالحليب وفوق النار امسكى الملعقة لحد ماتغلى لو الحليب اتجمد معناه ان اللبن راب لو غلى وهو لسه سائل يبقى سليم
لو راب تستخدميه فى صنع كيكة الزبادى او اعملى بيه القرص الطرية يعنى اعملى بيه المعجنات زى ما اختنا ساندى قالتلك والدتى بتعمل كدة
ارجو ان اكون افادتك

**تغريد2007** · 01-10-2009, 10:44 AM

اختي العزيزه قبل فتره انطرح هذا السؤال والاخت على ما اعتقد ام مريم العراق والله اعلم وكمان صبيه دارسيين تغذيه وكتبو كم هي مضار الحليب عندما يصبح رائب ونصحو الصبايا في رميه اخسري 10 دولار ثمن الحليب افضل من ان تخسري 100 دولار علاج وانت حره
مع الشكر لكل الاخوات يلي قدمو ارائهم

**ام مرمر و ليلو** · 01-10-2009, 01:55 PM

حبيبتي كلام ام انس مية المية صح
لو صحتك بتهمك ترميه وابداً ماتستخدميه
لان الحليب الرائب من دون مايغلي
مليان بالبكتريا الضارة
واخطرها بكتريا القولون E. coli
ارميه احسن ليك ولعائلتك