مشاركتى الاولى لام شادى بطبقين فول معتبرين

**برنسس لك1** · 24-08-2009, 01:42 AM

السلام عليكم ورحمة الله وبركاته

ام شادى الغاليه محتفله بضيف مهم جدا
لا يخلو سحورنا منه
لفائدته
ولاحساسنا بالشبع بعد اكله
فلك يا ام شادى منى جزيل الشكر
لهذا الموضوع المميز

واتمنى ان تعجبك مشاركتى

اول مشاركه

الفول بالبيض

مكوناتها
بصله صغيره مبشوره
2 فص توم مفرومين
2 م ك بقدونس مقطع صغير
1 فلفل مقطع صغير
1 طماطم مقطع صغير
3 بيضه
2 كوب فول
1 م ص صلصه

الطريقه
يشوح البصل قليلا فى سمنه
وبعدها التوم والفلفل
وبعدها باقى المقادير
يا دوب ياخد سوا واضيف الفول وعليه نصف كوب ماء
واظبطها ملح وفلفل
وبعد الغليان اكسر البيض بعيد عن بعض
واسيبها الى ان تستوى
ولو احتاجت ماه ازودها من الطرف

وطبقى التانى الفول بالسوسس

المكونات

فصين توم مهروسين
فلفل مقطع صغير
طماطم صغير
4 سوسيس
2 كوب فول

الطريقه
يقطع السوسيس بالورب ويشوح فى سمنه وبعد ما يستوى اشيله من السمنه
واشوح فيها التوم والفلفل
واضع عليها الطماطم والملح والفلفل والسوسيس
دقائق واضيف الفول تقلبتين بقليل من الماء
وبالف هنا

واتمنى ان تعجبكم اطباقى

**أم شادى** · 24-08-2009, 02:19 AM

بسم الله ما شاء الله ولا قوه الا بالله
تسلم الايادى الجميله و تتحرم على النار
طبقين فول بيعقدوا من جمالهم
كفايه انهم من ايدك الحلوه حبيبتى
ربنا يعطيكى الصحه و العافيه و يباركلك فى اولادك
مشاركه رائعه من ابنه اروع
الف الف شكر حبيبتى