بسم الله الرحمن الرحيم
السلام عليكم ورحمة الله وبركاته
كتبت بواسطة
جَنى
والله يا ام مالك بافكر اعمل شوية مربي منهم بس ما باعرف اعمله للاسف وجوزي حكالي لا تخربيهن بتجاربك هههههههههههههههههه
سمعت جنجونة الامورة بتحكي عن حبها للفراولة ومربى الفراولة وصادفت اني عاملة مربى فراولة قبل فترة وناسية انزله بس هلاء اتذكرت بعد ما شفت كلامها
جنى احلى فراولة لعيونك
المقادير كتير سهلة
كيلو فراولة
نص كيلو سكر
عصير نص حبة لمون
اول شي انا بنقع الفراولة بمية عشان تنزل كل التراب اللي فيها وبغسلها منيح
وبعدين بحطها بالطنجرة بدون ما اقطعها بس بشيل الورق الاخضر عنها
وبعدين بضيفلها السكر وبتكرها شي نص ساعة منقوعة بالسكر بنرجع بنلاقي السكر داب والفراولة نزلت ميتها
وهيا سهومة اصرت الا تشارك بالموضوع
وهلاء نحطها على الغاز عشان تغلي على الهدوء وبنضل نحركها كل اشوية خوف لا تلزق
شوفو كيف اول غليانها بضل يطلع منها رغوة انا سألت ستي عن الرغوة شو اعمل فيها حكتلي ولا اشي خليها اضل تغلي ولحالها بتروح
وعملت زي ما حكتلي
ولما تصير معقدة وجامدة ورح تلاحظي انه حبات الفارولة دابو
بنعصر نص حبة لمون وبنضيفها على الخليط عشان ما يتسكر المربى بعدين
وبنعبي بمطربان نظيف ومعقم
انا بصراحة بحط المطربان في المايكرويف شي دقيقتين يييييييييييي بصير يغلى غلي
وعلى السريع بسكب المربى فيه
وفي بعض المواقع الاجنبية شفتهم بقلبو الطربان على وجه ..........مش عارفة انا حللتها يمكن عشان يكبس اكتر ويطلع الهوا منه
اللي تعرف تحكيلي ليش ها الحركة
وريته صحة وهنا واستمتعو بالذ تطلي فراولة من ماركة صنع ايديه وحيات عنينه
وفي السلام لكم
تحياتي واحتراماتي
الماسة
ام سهام واسيل
الروابط المفضلة