بسم الله الرحمن الرحيم
حبيت اقولكم انهارده طريقه حفظ الخضروات مفرزه فى الفريزر ويا رب تستفيدوا منها صيعا انا عارفه ان كلكوا ممكن تكونوا عارفين هذه الطرق ولكن حبيت اقدمها للمبتدئين فى دخول المطبخ او المتزوجات حديثا مش هطول عليكم بسم الله نبدا اولا الطماطم:طبعا احنا عارفين ان الطماطم بيكون فى ايام رخيصه اوى وايام تانيه بتكونغاليه فاحنا بنجبها وهى رخيصه والطريقه هى ان احنا بنغسل الطماطم كويس جدا وتقطع على اربعه وتوضع فى حله على النار على نار متوسطه من دون ماء ولا اى حاجه ونتركها تغلى حتى تتسبك قليلا ثم تترك لتبرد وتضرب فى الخلاط وتعبأ فى اكياس حسب الحاجه وتوضع فى الفريزر
ثانيا الخضروات الخضراء اللون : مثل الباميه والبسله والفاصوليا والكوسه نغلى ماء به نسبه بسيطه من الملح وتوضع به الخضروات المقطعه والمغسوله طبعا لمده 5 دقائق فقط ثم نطلعها وتصفى وتوضع فى ماء بارد جدا او ثلج حتى تحتفظ بلونها الاخضر ثم تصفى وتعبا وتحفظ بالفريزر
ثالثا البطاطس : اولا نجيب البطاطس وتقشر وتقطع اصابع ثم توضع فى الزيت وتحمر نصف تحمير ثم تصفى من الزيت على ورق المطبخ ثم ترص فى طبق جنب بعضها مع عدم الملامسه حتى لا تلتصق مع بعض وتوضع فى الفريزر حتى تتجمد ثم بعد ذلك توضع فى كيس عادى حتى الاستخدام
رابعاورق العنب يوضع فى ماء مغلى به قطع ليمون لمده دقيقه ثم يحفظ فى اكياس حسب الرغبه
خامسا الكرنب يسلق الكرنب عادى مع ماء وكمون ويقطع ويحفظ بالفريزر
سادسا القرنبيط يسلق ليضا عادى ويبرد بالماء البارد ثم يحفظ بالفريزر
سابعا الملوخيه طبعا تقطف وتتخرط عادى ثم تخفف قليلا بالشوربه وممكن نوضع معها شويه كربوناته ربع معلقه فقط وتعبأ فى الاكياس وتحفظ
ثامنا السبانخ تقطع وتغسل جيدا ثم توضع فى الاكياس كما هى وتحفظ بالفريزر
تاسعا الخبيزه تعمل مثل الملوخيه
عاشرا القلقاس والسلق طبعا يقطع القلقلس ويغسل جيدا جدا حتى بتخلص من الماء اللزج الى بيبقى فيه ثم يوضع فى ماء ساخن مع ليمون لمده 5 دقائق ثم يشطف بماء بارد والسلق يعمل ايضا عادى ويعبا فى اكياس صغيره مع كيس القلقلس ويحفظ
اما بالنسبه للثوم فانه يفرم ويوضع عليه شويه ملح وقليل من الزيت ويعبأ فى علب الثلاجه الصاج ويحفظ بالفريزر
اما بالنسبه للبقدونس والكسبره او اى شىء اخضر تحبى انه يفضل اكبر وقت ممكن فى الثلاجه وكأنك لسه جايباه من السوق فانك توضعى هذه الاعشاب فى برطمان زجاجى بدون غسيل وتحفظ فى التلاجه وصدقونى هتلاقوها وكأنها لسه جايه وهذه الطريقه ممكن تحفظ الاعشاب الخضراء لمده اسبوع او اكثر
اما بالنسبه للبقوليلت زى اللوبيا والفاصوليا والحمص فانهم ينقعوا فى ماء بارد لمده 6 ساعات وبعد كده نسلقهم فى ماء ويشطفوا ثم يحفضوا فى الفريزرواتمنى من الله لكم الاستفاده بهذه المعلمومات البسيطه ويا رب تكون عجبتكم وشكرأ
LinkBack URL
About LinkBacks
طرق حفظ الخضروات والبقول
رد مع الاستدلال
كتبت بواسطة برستيج دلوعه
الروابط المفضلة