شوفوا اكلة السى فوود شغل فنادق خاص لمنتدانا الجميل

**lolo habeby** · 18-03-2009, 02:54 AM

السلام عليكم

المشرفات الجميلات انا اتلغبطت ونزلت الموضوع فى قسم السندوتشات بس ارجوكم تنقلوة وشكرا

اول امبارح ملك بنتى طلبت منى شوربة السى فوود
فطبعا انا لا يمكن ارفضلها طلب

لحسن تزعل وانا مقدرش على زعلها وهى اصلا بتاكل بالعافية فمصدقت طلبت حاجة
ان شاء الله هوريكم شوربة السى فوود بطريقة جوزى بتاعت الفنادق
وسمك مقلى بلطى لانى كنت عايزة اجيب فلية ملقتش
وكلمارى او سبيط مقلى
اولا بنتبل كل السمك
وعملت طاجن كليمارى وطاجن جمبرى
والجمبرى والكلمارى ونقشر السمك بس منرميهوش

الا قشر الجمبرى عايزينوا ضرورى
كمان لو فى كابورية او اى قشريات تانى نخلى قشرها منرميهوش
بنتبلهم اازى
طبعا انا ببقى فارمة ثوم وكمون وملح وليمون وفلفل اخضر واحمر بطلعى من الثلاجة واتبل السمك والجمبرى والكليمارى والصور هتوضح
بسم الله ماشاء الله لاقوة الا بالله

اول حاجة بنعملها البيون
يعنى زاى البهريز اللى هنعمل بيها الشوربة
لما قشرنا قشر الجمبرى
بعد ما طبعا غسلناه
بنحط معلقتين زيت مع بصلة تصفر شةية ونحطلها فصين ثوم
مطحونين
وبنحط القشر ينزل ميتة يتشوح يعنى شوية لحد ما ميتة تنشف
ونديلة ماية ونسيبة يغلى شوية ونقطع طمطماية كبيرة ولما تاخد غلوتين تلاتة نحطهم كلهم فى الميكسر اللى هو الخلاط
وبعد كدة نصفية هيبقى عندنا الخلاصة بتاعت القشر اللى هو البيون
اوك
ودة صورتة

ودة صورتة بعد ما صفيناه ونشيلة على الجانب
لغاية ما نكمل الشوربة
بنجيب بصلة نصفرها مع فصين ثوم تانى ونجيب الجمبرى والكليمارى واى حاجة تانى سىى فود بس انا مكنتش جايبة غير كدة ياسلام لو فى جندوفلى مثلا او كابورية
المهم نشوحهم شوية وطبعا بنتبتدى بالكليمارى الاول خمس دقائق قبل الجمبرى لانهم بيفررئو فى السوى اوك
وبنحط الجمبرى ينزل مايتة الاول وبعد كدة نحط البيون وياخد غلوتين لحد الحاجة متستوى وبس وبنحط على الوش الكسبرة الخضرا وطبعا شوفنا الملح وظبطنا التوابل

هنا الكليمارى والجمبرى وهما بيتشوحوا واديناهم البهريز وغليوا سوا

وبعد كدة بنكون تبلنا من بدرى الكيمارى والجمبرى
بناخد جزء من الجمبرى نحطة مع بصل حلقات وطماطم وفلفل حلقات ونتبلهم ونحطهم فى طاجن زاى كدة

وكمان نعمل نفس الحكاية مع الكليمارى فى الطاجن وهنا بعد ما استوا

ودى الشوربة معاهم

ودة
السمك وهو متبل وبنحمرة بعد ما بنحطة فى
الدقيق

ودة الكليمارى وباقى الجمبرى بحطهم فى الدقيق علشان يتحمروا

ودة شكله بعد ما طلع من الزيت مع شوية رز بالبصل بس تحفة

وادى شكل الصنية كلها تحتوى على لاسلاطة الخضراء وكمان الكليمارى المقلى والطاجن والجمبرى المقلى والطاجن
والشوربة معاها جمبرى وكليمارى
وارز السمك

يا رب يكون عجبكم اكلى
وقولولى رئيكم
يارب احفظلى اولادى وزوجى

**loverose233** · 18-03-2009, 03:04 AM

تسلم ايدك راااااااائعة ماشاء الله

**lolo habeby** · 18-03-2009, 03:25 AM

تسلميلى لوف روز

**ام البنات ** · 18-03-2009, 03:55 AM

حلو ابقي اتلخبطي دائما و نزلي كل مواضيعك عندنا نلطش نصيبنا و بعدين ننقل الموضوع هههه
يسلموا حبيبتي تم النقل

**تورتاية بالكريز** · 18-03-2009, 04:51 AM

ماشاء الله موضوع رائع يسلموا ايدكي لولو ويخليلك اولادك وزوجك ويحفظك ليهم يارب الف صحة وهنا

**amal250** · 18-03-2009, 10:09 AM

الله يعطيكى الف عافية يارب

تبارك الله شغل ررررررررررائع وجميل ومرتب

تسلم الايادى الجميلة

والف هنا وعافية على قلوبكم يارب

وربى يحفظ اولادك ويحميهم من كل شر وسوء ويبارك لكى فيهم امين يارب العالمين