المخللات لا يخلو منها البيت الفلسطيني بالذات
يعني مع كل أكلة لازم تلاقي طبق الزيتون والخيار والباذنجان المخلل أو الفلفل المكبوس
الشهر الماضي عملت مخلل خيار وباذنجان ومخلل لفت وحبيت أنزلهم لكم..
بالنسبة للخيار نختار الخيارة الرفيعة الطويلة.. أنيقة يعني ههههه ونغسله كويس..نشيل الأقماع من فوق ومن تحت ونشرطها بالسكين شرط طولي من المنتصف بحيث ما يوصل الأطراف ونرصها في البرطمان كويس.. وممكن للي بيحب الحراق يضيف قرنين فلفل ويقطع ليمون أرباع ويضيفها بينات الخيارات.
نجيب الماء.. ونضيف ملعقة كبيرة مليانة ملح لكل كوب ماء ونذوبهم كويس ونضيف معلقة سكر ومعلقة خل ونصبه على الخيار لحتى يغمره كله في المرطبان.
نضيف شوية زيت زيتون على الوجه ونقفل المرطبان كويسسسس ونستنى أسبوع زمان ويمييييييييي
بالنسبة للباذنجان.. نختاره باذنجان صغنون وحلو والاحسن يكون ما فيه بذر.. نشيل الأقماع من فوق ونترك بس من قشرته الخضراء ييجي 1 سم يعني زي الطاقية. نغسله كويس ونسلقه يعني يادوب غلوة أو اتنين بالكثير مش أكثر من هيك ونتركه شوي يبرد.
بنشق بالطول من الوسط بدون ما نصل الأطراف. اللي بيحب يحشيه ممكن يحشيه فلفل أحمر مكبوس وثوم مهروس..بس احنا بنحبه بدون حشي.. نرصه بالمرطبان ونضيف الفلفل الخضر والليمون الأرباع ونفس الشي نغمره بالماء والملح والخل والسكر مثل اللي فوق..يعن يمعلقة ملح مليانة لكل كوب ماء.. وبرضه زيت زيتون على الوجه ونقفله كويس ونستنى أسبوع وعالبطن على طول
مخلل اللفت.. نغسله كويس كويس كويس لأنه بيكون شايل تراب كتير.. نشيل الجذور من فوق والقمعة من الراس ونقطعه شرائح رفيعة نوعا ما.
نضيف له ملح خشن ونتركه ليلة كاملة وكل شوية نزل عنه المية ونضيف له ملح خشن وهكذا..
نشطفه كويس بالماء ونرصه في المرطبان مع الفلفل الأخضر الحار.. ونفس باقي طريقة المخللات اللي فوق بالنسبة للماء والملح..
لو عندك الصبغة الخاصة ممكن تستخدميها أو ببساطة تجيبي حبة شمندر (اللي هو البنجر) تغسليها كويس وتقطعيها شرائح وتضيفيها للفت حتعطي اللون ومنه يكون مخلل شمندر.
وصحة وهنا على قلوبكم
معلش مخلل الخيار كان على وشك يخلص في المرطبان يعني صورته على الآخر
الروابط المفضلة