تطبيق متميزبسبب مساعدة الغاليه لونلى اهديها البسطرررررمه

**برنسس لك1** · 29-11-2008, 11:00 PM

السلام عليكم ورحمة الله وبركاته

الى لونلى الجميلة
بهديها الطبق دة وهو البسطرمه

كنت سألت عنه من فترة ودة كان ردها
بصراحة مقصرتش

lonle

مشرفة ركن المقبلات

تفضلى عزيزتى لكن احب الاشاره انه معظم الردود بالمواضيع تنصح بشرائها جاهزه

الى الاخوات المصريات
تعالو شوفو طريقة عمل البسطرمة بالبيت
طريقة عمل البسطرمة فى البيت

واليكم الصور بعد التطبيق بالظبط

وهى دة الطريقه

1 كيلو لحمه وتكون خاليه من الدهون
راس توم
فلفل احمر غير حار (بابريكا )
2/1 كوب ملح

1 كوب حلبه

الطريقه

احضرت اللحمه وغلفتها بالملح ولفتها باى حاجه تشرب المايه زى ورق اللحمه او مناديل مطبخ كتير او قطعة قماش وتركتها فى صينيه ووضعت عليها صينيه اخرى وفوقهم اى اداه ثقيلة مثل يدالهون لكن انا عند زوجى حديد لتقوية عضلات اليد فأخذته وحطيته والغرض ان اللحمه تنزل مايتها وتتبتط وتركتها ليوم كامل
وبعد ذلك نظفتها بقطعة قماش من الملح جيدا ولفتها بقطعة تل وتركتها تنشف فى البالاكونه لنصف يوم
وفى اثناء ذلك الوقت كنت بللت الحلبه فى قليل من الماء نصف ساعه وبعد ذلك قمت بتصفيتها وطحنتها جيدا فى المطحنه وضربتها مع التوم المدقوق والبابريكا و م ص ملح وعجنتهم بقليل من الماء حتى اصبحت عجينة تقيلة
وغلفت بها اللحمه مع استخدام الماء

ولفتها فى التل مرة اخرى ووضعتها فى البالاكونة لمدة 7 ايام اهم حاجه يكون المكان هاوى وغير معرض للشمس

وانا مستعدة لاى استفسار

لكن انا بعتها السوبر ماركت قطعهالى

والف الف شكر ليكى يا لونلى لانى بجد معنتش حشتريها جاهزة

**lone~ly** · 30-11-2008, 12:27 AM

تسلم ايدك ياغاليه
الفضل بعد الله فى إصراك على الانتاج
ومساعدتنا ما هى الى خدمه لوجه الله
لاسعاد الغير ولانرجوا منها غيردعوه صادقه بالغيب
صحه وهنا

اذا أمكن عزيزتى توضيح الطريقه للافاده