أكلات شعبيه ...... بدون لحوم

السلام عليكم

كان غدانا امبارح الاطباق الي هتشوفوها ويارب تعجبكم بصراحه زهقنا من اللحوم والفراخ فحبينا نغير وماشاء الله أكلنا بنفس والاكل كان جميل

نبدأ بسم الله

الطبق الرئيسي كان الفول بالصلصه

المكونات (طبعا دي بتكون تقديريه علي حسب عيلتك)

فول مدمس
طماطم مكعبات
ثوم مقطع قطع صغيره او مدقوق
بصل مفروم
فلفل اخضر مقطع قطع صغيره
ملح وكمون
زيت

الطريقه

نضع زيت في حلة وعندما يسخن نضع البصل ويتم تشويحه وعندما يصفر نضع الثوم والفلفل الاخضر وعند الاحمرار نضع الطماطم والملح والكمون ونتركهم حتي يتم تسبيكهم قليلا ، ثم نضع الفول ونقلبه ونتركه قليللا علي النار حتي يسخن مع الخلطه

وبالهنا والشفا

أما الطبق الثاني فهو باذنجان مقلي

المكونات

باذنجان رومي
ملح وكمون
زيت للتحمير

الطريقه

نقشر الباذنجان ونقطعه شرايح ثم نقليه بالزيت ونرش عليه الملح والكمون بعد الاستواء

أما الطبق الثالث فكان كبه البطاطس

المكونات

بطاطس بيوريه مسلوقه ومهروسه وعليها ملح وفلفل
بقسماط ودقيق قليلا
بيض عليه فلفل اسود
زيت للتحمير

الطريقه

طبعا نسلق البطاطس عادي وبعدين نقشرها ونهرسها ، نضح الملح والفلفل الاسود عليها ثم نقوم بعمل الاقراص منها ( لو كانت لسه البطاطس دافيه بعد لما نشكلها نضعها بالثلاجه ربع ساعه حتي تتماسك ) ، نضع الاقراص بالبيض ، ثم البقسماط بالدقيق ، وعلي الطاسه للتحمير علطول ، وممكن نعمل كميه وبعد مانحطها في البقسماط والدقيق نرصصها في طبق فويل ونغلفها وفي الفريزر وتكون للتحمير في اي وقت

اما الطبق الرابع فهو بطاطس بالمايونيز

المكونات

بطاطس بيوريه مهروسه
ملح وكمون
فلفل اخضر حراق ( حسب الرغبه )
ثوم مفروم ( قليلا منه )
مايونيز
رشه زيت

الطريقه

نخلط كل المكونات وبالنهايه نرش رشه زيت

بالهنا والشفا
اتمني يكون الموضوع عجبكم

يسلمو اديكي حبيبتي ..

مشكوره عزيزتي

تسلم ايديكي يا قمر
موضوع رائع و صور جميله و شرح اجمل
يعطيكي الف عافيه

يسلموا يا نانا
ومأكول الهنا

روان..... تسلمي علي ردك حبيبتي ونورتي الموضوع
حنان ..... مشكوره علي ردك ونورتي الموضوع بتشريفك والله
د.سوسن .... انتي الي جميله ومشكوره علي ردك ياقمر
وعود الخير .... منوره الموضوع ياقمر وتسلمي

تسلم ايدك حبيبتى
كل صنف اجمل من الاخر

اكله تحفههههههههههه. انا باغطس فيها بإيدى ورجلى اما باعملها وباكل بتاع رغيفين تلاته واقوم امشى زى البطريق بعدها ....

تسلم ايديك يا حلوة
بانتظار جديدك

ام شادي ... انتي الي جميله والله منوره الموضوع
كارمن .... هههه كلنا بنغطس فعلا فيها وبتبقي خفيفه فعلا وتغير عن اللحوم ، تسلمي ومنوره الموضوع
لالي لفندر ... تسلمي علي ردك ياقمر ومنوره الموضوع