عزومتى .... كلاكيت تالت مره ... بعد الأولى والثانيه

**carmen** · 23-09-2008, 01:34 PM

صباح الفل
انا قلت افصل موضوع العزومات لوحده للى مش متابع سفرة كارمن للإفاده برضه
وده رابط عزومتى الأولى
شوفتوا عزومتى ؟
وده رابط عزومتى التانيه
شوفتوا عزومتى التانيه ؟؟
اما بأه عزوتى التالته حاوريكم صورها

شوربة بروكلى وبطاطس
وسهله اوى ونتيجتها حلوه
انا سلقت البطاطس عادى لكن سلقت البروكلى على البخار
وبعدين ضربتهم فى الخلاط مع شوية ميه صغننين
وبعدين صبيتهم فى الحله وزودت مرقه وظبطت الملح والفلفل وبس

وعملت طبق سلاطة مكون من :
طماطم مكعبات ، شرائح خيار ، شرائح فلفل ، جزر مبشور ( هيا جزرايه علشان الكيلو ب 8 جنيه ..

) ، فاصوليا حمرا ، كابوتشى مخرط ، ذره مسلوقه ، وفلفل رومى صغنووون محشو بجبنة بيضاء مخلوطة بثوم مفروم وشوية حليب صغننين ورشة سماق على الوجه وطعمها تحفه .... ورشيت الكل بالصلصه الفرنسيه قبل التقديم ( زيت وخل وليمون وملح وفلفل وكمون )

وعملت بطاطس كروكيت وكفتة بانيه وورق عنب
والبطاطس الكروكيت والكفتة البانية طريقتهم هنا
₪طبق متميز₪amanas_88 تعالى صورتلك عمايل الكفته البانيه والبطاطس الكروكيت

أما ورق العنب على طريقتى بالليه فطريقته هنا
₪موضوع متميز₪شوفتوا عملت ايه بلية الخروف المسكينه ؟
وادى صورة الطبق

وعملت سمبوسك حشيته لحمه مفرومه معصجه وزبيب ولوز محمر وبيض مسلوق وطلعت حكايه
وكمان عملت قراقيش الكوسه على طريقة د. سوسن
وطرقتها فى الرابط ده
طبقين مقبلات من مطبخ سوسن بالصور
وادى صورتهم

وعملت فطيرة جلاش بالمكرونة تحفه وطريقتها هنا
**موضوع متميز**فطيرة الجلاش بالمكرونة .... شكل تحفة وطعم خيال ... يم يم
ودى صورة الفطيرة النهائية للتحفيز بس ...

بعدين عملت قطايف حلوة وحشيتها بالمكسرات المفرية وحمرتها وسقيتها بالشراب السكرى

وعملت كنافتى المخصوصة المحشيه بلح وصدقونى طعمها تحفه
وطريقتها هنا
●•°حلى متميز°•●تعالوا شوفوا كنافتى الجديدة اللى بحشوة ال...... بلححححح ... يم يم ..
ودى صورتها النهائيه .... يم يم

وعملت تمر هندى وسوبيا وقمر الدين

وكل عزومه وانتن طيبات.....

**assia2007** · 23-09-2008, 01:49 PM

raw3a yaslamou idiiiiki alhilwiiiiiiiiiiiiiiiiiiiiiin

**carmen** · 23-09-2008, 02:00 PM

assia2007 .... تسلمى انتى ياجميله واهلا بيكى .....

**●•°BaSmA°•●** · 23-09-2008, 02:15 PM

يعطيكي ألف عافية

**carmen** · 23-09-2008, 02:33 PM

BaSmA .... الله يعافيكى ياقمر .....

**الملكة العقربه** · 23-09-2008, 02:35 PM

تسلم يدينك وربي يعطيك العافيه كفيتي ووفيتي

**د.سوسن** · 23-09-2008, 02:38 PM

كارمن العسل
تسلم ايديكي يا رب
الله يباركلك و يعطيكي ليرضيكي يا قمر

**carmen** · 23-09-2008, 03:13 PM

الملكة العقربة..... اهلالالالالالالالا بالجميله ....تسلمى حبيبة قلبى يارب

د.سوسن .... اهلا بالغاليه ... تسلم ايدك انتى يارب .... ولك مثل مادعوتى .....