سؤال لبنات بلاد الشام المغتربين (عن المكدوس)

مساء الخير يابنات
يمكن العنوان ركييييك بس ما عرفت شو اكتب
انا متعوده ببيت اهلي بالشام انو لما نعمل المكدوس نحشيه بالفليفله الحمرا
اللي بنشتريها طازجه وانظفها من البذور وبعدين نفردها عالشمس ولما تنشف نص نص نفرمها
يعني لتصير دبس فليفله تقريبا
انا هلق عايشه بالكويت ونفسي اسوي المكدوس عشان ما اتعب ماما فيه وتبعتلي ياه (الله يعينها)
ونفسي اعرف البنات اللي بيعملو مكدوس(خارج بلاد الشام) شو بيحشو
لاني ماشفت عنا فلفل احمر نفس سوريا واذا تواجد فهي فلفل حلو وغالي كمان
فقولولي يابنات اللي حالهن نفس حالي شوو الحل؟؟؟؟؟؟؟

الله يعينك
المكدوس من الاكلات اللي ما جربتها أبدا
وللآن بتعملي ياها الوالدة ربي يخليها ويطول بعمرها
بس طريقتنا بتذكر الوالدة تقطع الفليفلة وتخلطها مع باقي المكونات
ما بنشمسها
إن شاء الله باقي البنات يفيدوكي
بس انتبهي يكون الجو عندك بارد لحتى ما يخرب المكدوس خصوصا لما تصفيه من المي لأنو بياخد وقت لحتى تصفى المي بشكل جيد

اتفضلي حبيبتي هاي المكدوس على الطريقة الشامية..

المكدوس على الطريقة الشامية بالصورة من مطبخي....

اما بالنسبة لسؤالك عن الفليفلة الحلوة فهي فعلاً غالية لأنها غير الفليفلة تبع الشام الصغيرة والرقيقة..

ان شاء الله البنات يلي مجربينها يفيدوك.

السلام عليكم
حبيبتي الحل بسيط انك تجيبي معك من سوريا فليفلة حمرا ناشفة وتستعمليها بالحشوة و بتصير بتعطي نفس الطعم تقريبا بس انتي لا تطحنيها كتير خليها خشنة شوي

كانت وحدة صاحبتي سورية

بتنشف الفلفل الاحمر الحار الصغير وكانت تحشي فيه المكدوس.

نشفي كم فليفلة حدة تبع الهنود مشان تعطيك الطعم الحار

وبنفس الوقت قطعي الفليفلة الخضراء مع الجوز واحشيها كمان مع الثوم المبروش

عزيزتي للحل مستقبلاً

بإمكانك شراء دبس الفليفلة جاهز من السوق

هيدا بيعملوه أكثر شيء بالمناطق الساحلية مثل اللاذقية وطرطوس

اشتريه وعبيه معك بمطربان وحطي على وجهه زيت زيتون

ولما توصلي لبيتك فرزيه أو خليه وكل ما بدك تاخذي منه راعي أنك ترجعي تغطي وجهه بزيت زيتون

بصراحة أنا أهلي كانوا يعملوا مثل أمك فليفلة حمراء وخضراء وتنشيف بعدين طحن

بس ما عاد فيه حدا يشتغل وما عاد فيه وقت

مشان هيك صاروا يجيبوا من دبس الفليفلة اللي خبرتك عنه

حتى أنا بشتري منها وباخذها بالمطربان للبلد اللي مسافرة عليه

وبستعملها بكثير أشياء يعني ما بس المكدوس

وكتير عملية بس انتبهي لما تشتريه الأفضل تتذوقيه

لأنهم بيغشوه وبيعملوا بندورة بدل الفليفلة

والأفضل تشتريه من الناس اللي عم يعملوه شخصياً

يعني من شي ضيعة ناسها بيعملوه بيدهم

بارك الله فيكن أخواتي على الردود .. والله وأنا اشتهيت أسويه .. ؟؟!!

مشكورين يا بنات عالمساعدات الحلوة

كتبت بواسطة عاشقة الحلويات

نشفي كم فليفلة حدة تبع الهنود مشان تعطيك الطعم الحار

وبنفس الوقت قطعي الفليفلة الخضراء مع الجوز واحشيها كمان مع الثوم المبروش

عزيزتي للحل مستقبلاً

بإمكانك شراء دبس الفليفلة جاهز من السوق

هيدا بيعملوه أكثر شيء بالمناطق الساحلية مثل اللاذقية وطرطوس

اشتريه وعبيه معك بمطربان وحطي على وجهه زيت زيتون

ولما توصلي لبيتك فرزيه أو خليه وكل ما بدك تاخذي منه راعي أنك ترجعي تغطي وجهه بزيت زيتون

بصراحة أنا أهلي كانوا يعملوا مثل أمك فليفلة حمراء وخضراء وتنشيف بعدين طحن

بس ما عاد فيه حدا يشتغل وما عاد فيه وقت

مشان هيك صاروا يجيبوا من دبس الفليفلة اللي خبرتك عنه

حتى أنا بشتري منها وباخذها بالمطربان للبلد اللي مسافرة عليه

وبستعملها بكثير أشياء يعني ما بس المكدوس

وكتير عملية بس انتبهي لما تشتريه الأفضل تتذوقيه

لأنهم بيغشوه وبيعملوا بندورة بدل الفليفلة

والأفضل تشتريه من الناس اللي عم يعملوه شخصياً

يعني من شي ضيعة ناسها بيعملوه بيدهم

انا كنت افكر بنفس الشي بس اللي شفتو بالسوق كان !!!!!! مابيشبه دبس الفليفله الا بالشكل
وما بعرف حدا بجيب من عندو موثوق ياريت ازا بتعرفي تخبريني