لبنااااااااااااااااااان وحبايبه مطلوووووووووبة بسرعة..أرجوك أنقذيني قبل رمضان :(

أختي لبنان الله يخليك بدي وصفات سلطات ومقبلات قبل ما يبدأ الشهر الكريم
انا عارفة انك مقدمة كتير شغلات لذيذة بهذا الركن بس انا طماعة ههههههههه

وكمان لو سمحتي عندي كام سؤال بالنسبة لبعض الاطباق هل تأذني لي ان أرسلها لك على الخاص؟

كل الشكر لك ويا رب تشوفي الموضوع وتردي علي.

لبنان حاليا مسافرة
وقبل بداية الشهر الفضيل ان شاء الله ستكون معنا
بامكانك وضع الاسئلة في هذا الموضوع كي تجيبك عليها

اختى ممكن تدخلى على ملفها الشخصى حتلاقى كل وصفاتها
وان شاء الله تعود بالسلامه وترد على استفساراتك

وعود وأم نور الهدى الله يخليلي ياكم وشكلراً للرد على الأخت دانيا....


دانيا أهلاً وسهلاً و100 مرحبا حبيبتي...

متل ما قالت الأخت ام نور انت ادخلي على الملف الشخصي وهناك حتلاقي ملفات لكل الأركان وكمان بالنسبة للسلطات والمقبلات فهناك اطباق لا حصر لها وأي سؤال أنا حاضرة وغذا في شي ببالك انا مو منزلته اطلبيه يا عسل.

لولو.......................(صرخة قوية الله يستر ماصار زلزال)
ولك شو هالطلة الحلوة..
ايمتين رجعت من لسفر
آه بس سمعت عن النعنع رجعت قبل ما يطيييييييييييير

وعووووووووووووود................ (صرخة متل تبع الأفلام المصرية )

أكيد رجعت قبل ما يتوزع النعنع ويطير الريحان هههههههه...

يخليلي هالطلة يا رب

هلا لولو
الاخت دانيا لديها ملف بوصفاتك ولكن لديها بعض الاستفسارات
ولأن مواضيعك ما شاء الله نقلت للمواضيع المتميزة تم فتح موضوع هنا كي تجيبي استفسارات الاخت
وباعرف قلبك طيب وما بتقصري مع حدا...
ولا يهمك حصتك من الريحان محفوظة
ومرة واحدة عندي سؤال .. الصنوبر غالي وبدي اعمل صلصة بيستو.. بينفع حط نوع مكسرات بدل الصنوبر

تسلميلي يا وعود حبيبة قلبي الله يجزينا الخير وياكم يا رب..

انا طبعاً بالخدمة وأي سؤال أنا جاهزة دون تقصير ان شاء الله..

بالنسبة للبيستو ممكن تنعمل باللوز او بالبندق كمان طيبة..

انت بتؤمري يا عسل...

الحمدلله على سلامتك لبنااااااااااااااااااااااااااااااااااان

منيح يلي جيت ورديتي علي قبل رمضان الله يفرح قلبك متل ما فرحتيني.

ست وعود الله لا يحرمنا منك وشكراً للمساعدة.

أختي نور الهدى شكراً لك، انا عندي كل وصفات لبنان بس عندي اسئلة كتير.

لبنان الله يعطيك الصبر، انا عندي كتيييييييييييير أسئلة بس ان شاء الله ما تملي مني، كنت حابة أحطهم بالموضوع نفسه بس للاسف مواضيعك بهذا الركن نقلت للأطباق المتميزة ما شاء الله ولكن أقفلت ولا يمكن الرد عليها.

عشان هيك اتحمليني الله يوفقك.

أول سؤال بالنسبة للتبولة (شايفة الخزوة؟ لبنانية وبسأل على التبولة ) إذا بدي حضرها قبل بوقت شو العمل حتى تفضل فريش؟ وكمان شو ممكن اعمل حتى تطلع التبولة بدون مرق كتير؟

بالنسبة للاندومي يلي محضر بالبيت، ممكن بس تقوليلي شو النودلز يلي مستعملتيه؟ لأن شكله راااااائع متل السباغيتي بس غير طبعاً.

بالنسبة لسلطة البطاطا بالكمون يلي حاطتيها بملف السلطات ممكن تتحضر قبل بيوم ؟ يعني ما بتتأثر الطعمة؟

خلص بعدين بكمل الأسئلة.

لا تواخذيني حبيبتي وشكراً لك سلف. وبميزان حسناتك ان شاء الله.

كتبت بواسطة دانيا 2008

الحمدلله على سلامتك لبنااااااااااااااااااااااااااااااااااان

منيح يلي جيت ورديتي علي قبل رمضان الله يفرح قلبك متل ما فرحتيني.


الله يسلمك وان شاء الله دايماً فرحانة..


لبنان الله يعطيك الصبر، انا عندي كتيييييييييييير أسئلة بس ان شاء الله ما تملي مني، كنت حابة أحطهم بالموضوع نفسه بس للاسف مواضيعك بهذا الركن نقلت للأطباق المتميزة ما شاء الله ولكن أقفلت ولا يمكن الرد عليها.

انا جاهزة لكل أسئلتك حبيبتي ولا يهمك

عشان هيك اتحمليني الله يوفقك.

انت تدللي وانا حاضرة

أول سؤال بالنسبة للتبولة (شايفة الخزوة؟ لبنانية وبسأل على التبولة ) إذا بدي حضرها قبل بوقت شو العمل حتى تفضل فريش؟ وكمان شو ممكن اعمل حتى تطلع التبولة بدون مرق كتير؟

هههههههه ولا خزوة ولا شي..يعني اذا لبنانية لازم تخلقي متعلمة التبولة!!!

حضريها خلال النهار وافرمي كل شي ما عدا البصل ولا تخلطيها بالزيت والحامض والملح إلا عند التقديم.

اذا بدك ياها ناشفة نقي البندورة تكون قاسية يعني ما بتعصر..في ناس بيشيلوا اللب تبعها بس انا ما بشيله.

بالنسبة للاندومي يلي محضر بالبيت، ممكن بس تقوليلي شو النودلز يلي مستعملتيه؟ لأن شكله راااااائع متل السباغيتي بس غير طبعاً.

حبيبتي لما تروحي على قسم الاكل الصيني بالسوبرماركت بيكون في أكياس بتشبه أكياس السباغيتي العادية بس أرفع وأوقات بتكون ألوان..بتكون مش مع السباغيتي ، لا، بتكون محطوطة بالقسم الصيني.وصدقيني مش على بالي اسمها لأني ما بجيب ماركة محددة.

بالنسبة لسلطة البطاطا بالكمون يلي حاطتيها بملف السلطات ممكن تتحضر قبل بيوم ؟ يعني ما بتتأثر الطعمة؟

أكيد ما بتتأثر الطعمة بس البصل بيتغير شوي طعمه بس أنا باكلها تاني يوم مش مشكلة لكن اذا عندك عزيمة الأفضل لا تخلطي البصل قبل بيوم معها إلا عند التقديم.

أنا شخصياً ضد فكرة تحضير البصل مسبقاً، يعني في ناس بتفرز البصل وفي ناس بتحطه بالبراد أو الفريزر عشان لا يحرق العيون او حتى بالماء بس هيك بيفقد طعمته اللذيذة والكثير من فوائده، وعشان ما يحرق العيون ولعي شمعة وضعيها على لوح التقطيع لأن الغاز يلي بيطلع من البصل وبيحرق العيون بيروح على النار يلي بالشمعة وبينحرق قبل ما يوصل لعيونك..


خلص بعدين بكمل الأسئلة.

لا تواخذيني حبيبتي وشكراً لك سلف. وبميزان حسناتك ان شاء الله.

ولا يهمك وانا موجودة ان شاء الله اسألي ولا تترددي ..هاد من دواعي سروري