شاورما دجاج وصحن تبولة لعيون صبايا المنتدى الحلوين تفضلوا

**§Nosa§** · 12-07-2008, 08:41 AM

السلام عليكم ورحمة الله:
كيفك احلى الصبايا؟اليوم جايبتلكن شاورما دجاج من مطبخي مع المايونيز والتبولة ممممممم
بنبلش بالمقادير
1-كيلو صدور دجاج مسحب من العضم وخالي الجلدة
2-البهارات التالية:
فلقل أسود, بهارت متنوعة (بهارات السبعة),بابريكا, فلفل أحمر حلو, بهارات شاورما ,سماق ثوم ,بالإضافة إلى أربع ملاعق لبن رائب..
نتبل اللحم المفروم بهذه البهارت ونضعها في الثلاجة على الأقل لمدة ساعتين
ثم نضعها في وعاء عميق فيه كأس شاي زيت نباتي على نار هادئة مع التقليب بين الحين والآخر
لحين تستوي...
وبنكون مقطعين بقدونس ناعم وبندورة مكعبات ناعمة ومخلل خيار أو أي نوع ترغبونه بالإضافة إلى المايونيز ...
أما المايونيز فالمكونات والطريقة كالتالي:

المقادير:
2 حص ثوم
عصيرنصف ليمونة
نصف كوب زيت نباتي
ملعقتين أكل لبن
ملعقة أكل مايونيز
بياض بيضة
رشة ملح.

الطريقة:
يهرس الثوم مع الملح حتى يصبح ناعم جدأ
يضاف عصير الليمون و اللبن والمايونيز و يخلط المزيج جيدا
في وعاء آخر يضرب البياض بالخفاقة الكهربائية حتي يتضاعف حجمه و يصبح مثل الكريمة, نضيف الزيت تدريجيا حتى يتماسك....
نضيف فوقه خليط الثوم تدريجيا ويخلط بالملعقة ليتجانس
أما التبولة طبعاً إلها عدة طرق أو بالأحرى مكونات أنا بعملا بالمكونات التالية
بقدونس مفروم ناعم خس مفروم ناعم بندورة مكعبات ناعمة ثوم برغل ناعم فلفل أسود سماق ملح زيت زيتون وليمون ودوقوها وادعولي
(أنا بحط خس بيعطيه طعمة طيبة بس لازم يكون الخس الأخضر الغامق مو الأشقر بالإضافة إلى إنو اللي بصيبن وجع معدة من البقدونس فهيك بكونوا خففوا شوية بقدونس بإضافة الخس...

أما وقت الآكل يم يم افردي رغيف الخبز العربي وادهني بالمايونيز ثم ضعي اللحم والبدونس والبندورة والمخلل (البعض وضعتهم على الشواية للتحمير الخفيف من الوجهين والبعض الآخر بدون شواية بس لاسف نسيت صور السندويشات سامحوني)...

وهي النتيجة النهائية للكل

بتمنى تعجبكن وادعولي ياحلوات...
أختكم نوسة