ابي سلطة المكرونه وسلطة الذره

**MiSsQ8** · 12-11-2002, 07:33 AM

السلام
ابي طريقة سلطه المكرونه مع المايونيز مثل اللي نشوفها بمطاعم الوجبات السريعه بالبوفيهات
بس ابيها تكون لذيذة
وابي طريقة سلطة الذره بالطماط والفلفل الاخضر نفس اللي نشوفها بالمطاعم بعد

**حبيبة الكويت** · 12-11-2002, 12:56 PM

المقادير
ربع كيس معكرونه
2طماطه مقطعه
خس مقطع
ذره حب مطبوخه أو معلبه
خيار مقطع
تخلط جميع المقادير نضع عليها الصلصه التاليه
المقادير:
زيت زيتون
عصير 1/2 ليمونه
ملعقتين خل
ملعقتين صلصه الخردل
ملعقتين صلصة الكيكومان
ملعقة مايونيز
تخلط مقادير الصلصه مع بعضها جيدا ثم نضيفها على السلطه
وبالهناء و الشفاء
أرجو ان تعجبك
وعلى فكره الصلصات التي ذكرتها موجوده في الجمعيات ومركز سلطان
ارجوتبليغي بالنتيجه

**MiSsQ8** · 14-11-2002, 06:56 AM

مشكوره حبيبتي
انا توني قريتها لاني 3 ايام ماشبكت

بس ياليت تقوليلي جم مقادير الذره والخس والخيار وزيت الزيتون
لاني وايد دقيقه بالامور هذي

**المسافره** · 14-11-2002, 11:00 AM

هلا مس
سلطة المكرونه دائما اسويها وبالنسبه للمقادير على كيفك
علبة ذره قودي الذهبيه
ربع كاس مكرونه مسلوقه
فلفل اخضر مقطع صغير مربعات
فلفل احمر رومي مقطع
اناناس معلبه قطع صغيره
شرائح مرتديلا الدجاج حلواني
زيتون اخضر شرائح (اختياري)

الصلصه :
ملح
فلفل اسود
مايونيز ملعقه
زيت زيتون ملعقه

انشاء الله تعجبك

**حبيبة الكويت** · 14-11-2002, 09:30 PM

أسفه على التأخير
ربطةخس واحده
كوب وربع ذره
4 حبات خيار
ملعقتين زيت زيتون

مره ثانيه أقول أسفه لأني توني شابكه

**MiSsQ8** · 18-11-2002, 05:25 AM

انا اللي اسفه على التأخير في الرد بس كان عندي امتحان
مشكورين على الرد وانا سويت طريقتج ياحبيبه بس قبل لا اقرى المقادير وطلعت حلوه بس طعم الصلصات كان قوي .. بس كنت ابي سلطه المكرونه اللي معها خضار مشكل نفس اللي في بيتزا هت ولاتعذرين ياحبيبه ترا كلنا عندنا ظروف ومانقدر نشبك وايد واصلا انا ماعندي حتى وقت ارد على المواضيع

مشكوره يالمسافره بس انا ماحب الاناناس والمرتديلا ياليت اذا عندج طريقه السلطه بالخضار المشكله اكون شاكره لج