شوربة الدجاج بالذرة

من فيكم تظبط طريقة هذة الشوربة لانى أموت فيها وما تظبط معاى مثل المطاعم

وتسلمون

قليل من الدجاج المسلوق ومفتت ( الكمية حسب الرغبه )\
ذره ( نص علبه تقريبا )
بصل ناعم
فلفل اسود
بهارات
مكعبين ماجي
3 ملاعق طحين
3 ملاعق حليب بودره
=========
نفتت الدجاج ونحمسه بالجدر على نار خفيفه مع البصل ثم نضيف الماجي + فلفل اسود + بهارات
ثم نضيف الذره ونحرك
ولاحظي ان النار خفيفه عشان مايحترق بس هاا لاتكثرين الدهن لان الماجي كلها دهن ومانطول وايد واحنا نحركهم
ثم نضيف الحليب والطحين المذاب في شوية ماي
ونحرك شويه بس لين يتجانس ونضيف تقريبا لتر وربع ماي ( 5 اكواب ماي تقريبا )وممكن نضيف ماي اكثر( 6 اكواب مثلا) المهم بالنهايه تكون ثخينه
وممكن تضيفين قليل من الملح بس ديري بالج تضيفين ماجي بعد لاني مرتين اضيف ماجي وتصير مالحه لانها اخر شي تثخن ويتركز طعم الملح
عالاقل ماصخه شوي ونضيفلها ملح احسن من مالحه ونتوهق
وعقب مانضيف الماي نخفف على النار ونخليها لين تثخن
لذيذه انا ماشبع منها
كلما شفت فيه دياي ( دجاج ) زايد اسويها
بالعافيه

نصيحه : اطبخيها في ماي سلق الدياي تطلع اطعم بس لاتحطين فيه ملح وايد
واذا طبختيها في ماي السلق ضيفي مكعب ماجي واحد بس
<=== وحده توهقت وايد بالملح في شوربه الذره والدياي
اهم شي نخفف النار ونتركها لين تثخن
وقوليلي النتيجه

مشكورة جربتها وطلعت روعة

العفووووووو وبالعافيه
بس اهم شي انج ضبطتي الملح

وانا نا ويه اجربها باجر انشاءالله فضلت اني اكتب لج التعليق قبل لا انقل المقادير مايستوي اني اسويها ما اشكرج .

لأني أحب هذه الشوربة أزيدكم كمان ضعي ملعقة من نشا الذرة وذوبيه مع الدقيق والحليب لأنه يعطيها بياضا وسمكا.. وبالعافية