نداء إلى بنات نجد والقصيم ...

**سواسن** · 05-11-2002, 05:37 PM

أخواتي ...
زوجي يحب القهوة العربية ...وأنا ما أقصر معاه ..
بس هو يقول إن قهوة أهل نجد والقصيم طعمها شي ثاني ..ممتازة وفيها نكهة وسر .
وانا ما ادري ..عندي البن والهيل والزنجبيل ...
بس أتمنى عليكم تدلوني على لحاجات الثانية في القهوة ..
علشان افاجي زوجي بها ...
ولكم كل الشكر
أرجوكم ...عشان رمضان كريم ...

**بنت القصيم** · 05-11-2002, 08:40 PM

أهلين أختي سواسن ممكن تضيفين مع الهيل شوية زعفران يخلي لون القهوة أصفر صافي
وفيه أحد يضيف لها قرنفل [مسمارأو عويدي]لكن مع الزعفران القهوة طعمها شيييييييييييييييي

**المزيووونه** · 05-11-2002, 11:14 PM

شوفي اختي بصراحة ماهوب مدح فيني بس انا قهوتي كل من شربها مدحها انا اسويها طبعا أغلي البن بلحاله واخليه يطول يغلي واضيف له حليب سائل شوي من شان يفتح لونها وزعفران بعد واتركها تغلي وبعدين اطحن الهيل لانه حلات الهيل انه ينطحن بلحظتها واحطه على البن واخليه يغلي غلوتين يعني مايطول مثل البن وبعدين اقفل النار ومااصفي القهوه على طول اتركها حول 3 دقايق بعدين اصفيها في الترمس وبس

**بقايا همس** · 07-11-2002, 02:32 AM

اهلين اختي سواسن
انا كمان طريقتي مثل طريقة أختي المزيونه بس ازود الهيل شوي 0000000

جربيها وهاتعجبك

**hills** · 07-11-2002, 01:02 PM

قهوة اهل نجد حمستها خفيفه يعني شقراء

**الدلوعه الحلوه** · 07-11-2002, 02:55 PM

أختي سوا سن تبغين القهوه العربيه

ترى أنا مستعده أعطيك أياها

مع تحيات.......

............الدلوعه الحلوه

**سواسن** · 07-11-2002, 05:04 PM

أخواتي ..مااعرف كيف اشكركن..
بس لمن أجربها واسويها حسب وصفةالمزيونة وبنت القصيم ...يكون الشكر اكبر..
وانا الحقيقة تعجبت ان الموقع "لك " فيه طبخات اشكال والوان ..بس مافيه اي كلام او خبرات عن القهوة العربية ....اتمنى القى زاوية عن القهوة والشاي وخبرات الأخوات فيها ....
وممكن افيدكن في الكابتشينو والميكاتو ...بس القديم ..للأسف ماعندي فيه خبرة

**ديـــم** · 08-11-2002, 02:24 AM

شوفي يالغالية هذا طلبك :
وش رايكن نتبادل الافكار
وبالعافية

**الدلوعه الحلوه** · 08-11-2002, 03:17 PM

أختي سواسن خوذي القهوه العربيه أختي سواسن

ضعي 2ونصف الفنجان من البن مع 2ونصف كأس من الماء في براد ثم ضعيه على النار حتى

يغلي بعد ذلك أجعليه على نار متوسطه لمدة نصف ساعه ثم أطفئ النار وتركيه لمدة ثواني قليله حتى تهدى ثم ضعي ملعقة شاي من الهيل وقليل من الزعفران في دلة التقديم

وبل هناء والعافيه

ملاحظه:أهل نجد والقصيم لا يضعون الزنجبيل في القهوه جربي وستجدين الفرق

مع تحيات......................الدلوعه الحلوه

**& هدير الموج &** · 08-11-2002, 03:33 PM

السلام عليكم
هذي ياختي طريقه قهوة نجد وجربيها وراح تشوفين

تحمسين القهوه بالفرن الى ان يعطي لونها اشقر بني فاتح بعد كذا اطحنيها بس الطحن يكون خشن
بالاضافه نفس الحاله للهيل اطحنيه طحن خشن

بعد كذا حطيهم في الابريق حسب الحجم تحطينه القهوه مثلا حجم متوسط تحطين فنجال ونصف قهوه ..مع الماء مايعادل ثلاث ارباع الابريق
وتخلينها تقريبا ربع ساعه على النار وتضفين بعد كذا لها ذرة زعفران يعني مايعادل ربع الملعقه الصغيرة وبعد خمس دقائق حطي هيل تقريبا فنجال
وخليه شويه على النار وخلاص ..
وانشاءالله يارب تضبط