العـــجـــــــــــــــــــــــــة: بالصور

**ملك المالكى** · 20-11-2007, 05:20 PM

اولا :المقادير
باقة بقدونس مفرومة فرما ناعما
ربع كوب حليب
2 بصلة متوسطة مفرومة فرم ناعم "بس انا بفرمها خشن عشان بحب البصل" ههههه ومنصحكوش تعملو زييى عشان الريحة
ربع كوب دقيق
6 بيضات " فىالصور هتلاقوهم 3 لانى عاملة نص المقادير دى
فلفلة خضرة وثمرة كوسة مبشورين "بس انا مش حاطه كوسة" مش بحبها
نص معلقة ملح ،بهار، فلفل اسمر
نص معلقة باكينج بودر
ونص معلقه خل
ورشة بيكربونات الصودا

ثانيا: الطريقة
نبدا بالبصل المفروم ونحط عليه الملح و التوابل وندعكهم مع بعض
وبعدين نضيف الخضار المفروم " البقدونس و الفلفل والكوسة"
ثم الدقيق المخلوط مع الباكينج بودر و البيكربونات الصودا
وبعدين البيض بعد ما نضربه مع الخل و الحليب
نقلب المحتويات مع بعض
ونحطها فى صينية
وندخلها الفرن
لمدة نص ساعة حرارة متوسطة
وبالهنا و الشفا
والان ثالثا: الصور " وياريت حد يعلمنى ازاى اكتب التعليق وتحته الصورة المناسبة ليه

**ملك المالكى** · 20-11-2007, 05:21 PM

بس للاسف مصورتش الصورة النهائية لانى لسه هناكلها بالليل
ومش هسويها دلوقتى
ممكن ابقى اصورهالكم بعدين وانزلها

**meroo2006** · 20-11-2007, 07:07 PM

حلوة يا ملك

تسلم ايدك........بس اول مرة اعرف حكاية الكوسة دى!!!!!...........هجربها واشوف........

**ملك المالكى** · 20-11-2007, 09:50 PM

دى صورة الصينية
ولو ان اصلا محدش طلبها منى لان محدش دخل ولا رد عليا
بس ابقى علمت اللى عليا وحطيت الصور كلها

**ملك المالكى** · 20-11-2007, 09:51 PM

اهئ اهئ
انا زعلانه طي بلاش حد يقوللى حلوة
قوليلى وحشة
قولو اى حاجة
اهئ اهئ

**roza1** · 20-11-2007, 10:25 PM

والله انت عسل يا ملك
العجه حلوة وانت حلوة
بس انت بتحطي خل ليه , الفلفل الأسود كافي انه يضيع زفارة البيض
أنا بأضيف لها ملعقة دقيق كمان , اما الكوسة فهي غير أساسية في العجة
هو طبعا ممكن تحطي أى انواع خضار معاها

والان ثالثا: الصور " وياريت حد يعلمنى ازاى اكتب التعليق وتحته الصورة المناسبة ليه

مش فاهمة قصدك ايه
انت ممكن تحطي الصورة وتكتبي عادي تحتها وللا قصدك تكتبي على الصورة نفسها؟