طريقة صحية لقلى البطاطس

اكيد كلنا عارفين ان البطاطس المقلية قيل عنها كلام كتييييييييير وان ليها اضرار صحية وممكن بعد الشر عنكم تجيب امراض وحشة
انا بقيت اعمل البطاطس بطريقة تانية تقلل الضرر شوية وفى نفس الوقت محمرة ومقرمشة وحلوة طبعا
اولا بسلق البطاطس وهى سليمة بدون تقشير لان سلق البطاطس بعد تقشيرها بيخليها تفقد فايدتها فى المية وتخسر النشا اللى فيها وبالتالى مبتطلعش مقرمشة
نطلع البطاطس وهى نص سلق قبل تمام النضج يعنى
وبعدين فى طبق صغير حطى ملعقة سسمنه على ملعقة زيت او اكتر حسب كمية البطاطس وقلبى البطاطس فيه كانك بتقلبيها فى البيض " فى البطاطس البانية" وبعدين رصيها على صاج فرن مكشوف مش صينية مرتفعة الحواف!!!
وحطيها فى الفرن
انا بحطها وانا بعمل الفراخ او اى حاجة تانية فى الفرن يستووو مع بعض
ارجو انها تكون صحية فعلا او على الاقل تخفف من مضار القلى
بس صدقونى طعمها حلو
وسمعت كمان انك ممكن تقلى البطاطس بعد ما تحطيها فى خلطة القرنبيط او فى بيض وبقسماط عشان ما تلامسش النار و الزيت مباشرة وبعدين تقليها وبرضه حلوة جدا

تسلمى حبيبتى

كتير صحية

تسلمي يا ملك فعلا طريقه جميله وصحيه وشكلها لذيذ

والله ياست ملك وصفتك فعلا مفيده جدا والنشويات مفيده للجسم بس بحدود
وعلى كل حال بجرب طريقتك ومنك نستفيد
يسلمو ايديكي يارب

نصيحه حلو حبيبتي

تسلمى يا ملوكه على وصفتك الجميله فعلا صحيه وخفيفه

تسلمي يا ملك على النصائح المفيدة

من ناحية صحية ما في كلام
تسلمي على هذه النصيحة وهذه الطريقة المفيدة
لا تحرمينا من افكارك ونصائحك واهلا بد دوم في ركننا الجميل الهادئ

بارك الله فيك ..والبسك ثوب الصحة والعافية..
دمتم برعاية الله وحفظه..