من تحب المجدوس؟؟؟

**um bader** · 15-08-2002, 07:27 PM

صبايا المنتدى الحلوات من تحب أن تأكل مجدوس على الطريقة الصحيحة؟؟؟؟؟
المهم اللى بدها تعرف الطريقة تخبرنى لأنى عملت مجدوس بطريقة والدتى و ياسلاااااااام ما أطيبه بيجننن و خصوصا مع كاسة شاى عالفطور يعنى على كيف كيفك .

يالله يا بنات انا بانتظاركن سلام......

**ام مودي** · 15-08-2002, 07:41 PM

يااا سلاام يا ام بدر..ودي عايزة كلام....شوو شهيتيييني عليييييه...ياا سلااااااام....
على فكرة انت وين بكندا????

**ليالي ليلا** · 15-08-2002, 07:42 PM

يا سلام عليكم يا أم بدر
ياعيني على الجدوس00 هلأ الله يهديك!!!!
على العموم بانتظار الطريقه 00

بس بسرعه الله يخليك لاتطولي علينا000

اليوم دخلت بالشهر التاسع يعني مالحقتو بالوحام بركي بلحقو قبل الولاده!!!
هههههههه

الله يجزيك الخير
باتظارك

صحيح ميت صحه وهنا
وكل ما أكلتيه اتذكريني بس ما اتغصي!!!
عما امزح

أم رائده

**raby** · 15-08-2002, 11:57 PM

لاتطولي علينا بانتظار الطريقه

**um bader** · 16-08-2002, 06:42 PM

يعنى و الله انا بعرف انه هالمنتدى دائما فعال و نشيط بالردود بس مابعرف ليش ثلالث ردود فقط؟

بتعرفوا أنا خلاص راح ما أكتب أى أكلة مرة أخرى .......مع انى عندى ساندويتشات لعودة المدارس انما أييييييييييه جنان و الله, و كنت متشجعة نزلن على قرب أفتتاح المدرسة بس الظاهر انه الاخوات مستغنيين عن كل ما هو لذيذ و جديد...............؟؟؟؟؟؟بس لو أعرف كيف بينحطوا تعابير الوجوه الضاحكة و الله انا ما بعرف شىء بالكومبيوتر بس يالله ماشى الحال.....

أم مودى............أم رائدة................رابى تسلملى عيونكن الحلوة و منشان خاطركن الغالى على و ردكن اللطيف احلى مجدوس لاحلى ناس.

حبيباتى راح قلكن شو عملت بالظبط اشتريت 30 حبة باذنجانة حجم صغير و سلقتن تمام يعنى خلى الباذنجان يكون طرى و مستوى منيح. و بعدين و ضعتن بالمصفاية و جبت صحن ملح و بدأت بالتسويك يعنى عملت ثقب بالباذنجانة و بدأت أملحها من الخارج و الداخل. ثم و ضعتهم بمصفاية و وضعت عليهم تقلة لمدة يومين حتى صفي من الماء عالخالص.
ثم دقيت راس ثوم مع نصف كيلو او اقل من الجوز المدقوق مع قرنين فليفلة أحمر مغسول و منشف بالشمس جيدا و مفروم ناعم بالماكينة و خلطهم بقليل من الفليفلة الحارة حسب الرغبة ياعييييييييييييييينى ما أطيب الحر بالمجدوس اممممممممممم بيشهى
الله يعينك يا أم رائدة ما بدى شهيكى بس فاتك المجدوس يالله شدى الهمة و اعمليه قبل الولادة بتلحقى يمكن مو هيك؟؟؟؟؟؟؟؟؟؟
نرجع لموضوعنا اضبطى ملح الحشوة و ابدئى بحشى الباذنجان منيح ومن ثم عودى و اكبسيه جيدا حتى تتخلصى من كل الماء الموجود كم ساعة بس لا تخليه كتير و بعدين يا ستى ضعى المجدوس فى قطرميز زجاج و صفيه فوق بعضه ومن ثم اغمريه يزيت الزيتون.و يا سلااااااام على منظره و هوى عم بيلمع بالزيت و اتركيه كم يوم حتى يستوى بس ديروا بالكم لا تعملوا مثلى كل اشوى رايحة جاى عم بشوفه استوى او لاء. الله يخليلى ماما اللى زارتنى و خلتنى اعمل هالاكلات الطيبة كتيييير يالله يا أم مودى و رابى و أم رائدة صحتين و ميت هنا على قلوبكن و صدقونى راح تدعولى لانه شغل البيت خصوصا بالمجدوس غير عن السوق....!!!!!!!!!!!!!!!!!!

**um bader** · 16-08-2002, 06:49 PM

المعذرة ام مودى انا من سكان هاليفاكس فى كندا و انت عزيزتى وين عايشة؟

**إيمان علي** · 16-08-2002, 11:23 PM

الله يا أم بدر، أنا مغرمة بالمكدوس، وشكلها طريقتك بتنصح قد ما رح آكل منها لو صارلي صحن...

تسلم إيديك يارب. وبسرعة الحقينا بسندويشات المدارس، والله يعطيك العافية.

**نـانـا** · 17-08-2002, 02:05 AM

تسلمي ام بدر على الطريقة , بصراحة انا بمووووووت بالمقدوس

**um bader** · 17-08-2002, 03:01 AM

الله يعافيك أيمان و ياريت أقدر أبعتلك صحن اممممم يا عينى شو طيب بتعرفى خرج الموحمات, و تكرمى منشان خاطر الطيبات راح نزل الساندويشات اللذيذة بس مو بكير هلق لما كيف؟؟؟؟؟؟

**********************

و اختى جنين الاقصى الله يسلمك يارب و بنصحك انك اتجربيه بهذه الطريقى ترى و الله سهل انا كنت متوقعة انه بده شغل كتير بس مافى اسهل منه و اذا ما توفر عندك الفليفلة الحمراء ممكن تعوضيها بالفلفل الاحمر الحر البودرة يعنى منشان غلبة التنشيف و الفرم. و ميت هنا و عافية على قلوبكن حبيبات قلبى..................

**nannsh** · 20-08-2002, 12:56 AM

يعطيك الله الف عافيه وبصراحه اول مره اسمع عن هالاكله وشوقتيني
ان اسويها راح اشووف الخطوات اول باول واعملها واتمنا ان تشاركينا دائما

nannsh om qop_qop