تشكيلة تجنن انت صنعتيها من الجبنة البيضاء

**أم يارا** · 04-08-2002, 11:58 AM

أبقول لك طريقة عمل بعض أشكال الجبن الأبيض اللي بالسوبر ماركت والكيلو 30 ريال و حولها ....لا و المكونات مو 100%جيدة
نحتاج جبن أبيض عادي......
*الجبن بالثوم:
قطعي الجبن مكعبات و في علبة بلاستيكية اغمريه بحليب طويل الأجل و ضعي كم فص ثوم للنكهة و ممكن ترشي حبة سوداء ثم غطي الوجه بزيت الزيتون و أدخليه للثلاجة....

*الجبن الحار:
ربع كيلو جبن يهرس بالشوكة و يصب عليه(ربع كاس ماء+نص ملعقة صغيرة ملح)
يرش بملعقة فلفل أحمر مطحون(ممكن أكثر أو أقل حسب رغبتك)
بيالة زيت زيتون
مكعبات فلفل أحمر بارد تقريبا بيالة
(الكميات حسب رغبتك بس تقديرمني عشان ما تحتارون)
اخلطي كل المقادير بالملعقة جيدا و تدخل الثلاجة

*الجبن بالخضار

المفضل عند أسرتي)
ربع كيلو جبن مع ماء و ملح كما في الفقرة أعلاه
شرايح زيتون أسود+أخضر
مكعبات فلفل ألوان (أحمر أخضر أصفر)
زيت زيتون ........ممكن إضافة زعتر......
و هذي بالذات لذيييييييييييييييييييييذة و شكلها مو شغل بيت..........

أتمنى أجباني تعجبكم ....

**الريم** · 04-08-2002, 05:17 PM

هلا ام يارا0والله شغل شي00مو خرابيط00000
بالعكس انت فنانه وذويقه اذا سويتي كل هذي الطرق بالبيت وما اخذتيها جاهزة من السوبرماركت000
بالنسبه لي بالعكس سهلتي علي الشغله بدل ما اخذها جاهزة 00
بس اي نوع جبنه تستخدمين؟
وكم ممكن تجلس بالثلاجة من غير ماتخرب؟
وتسلمين واتحفينا بالحركاات الحلوه0

**estrellas** · 05-08-2002, 02:19 AM

لا طرق بتشهي

تسلم ايديك

**أسيرة الغربة** · 05-08-2002, 02:30 AM

تسلمين أختي شكلها تشهي وخاصة الي بالفلفل الحار .

**zainab2000** · 05-08-2002, 07:37 AM

السلام عليكم ورحمة الله وبركاته

يسلمو ايديك الطريقة الاخيرة روعة .....

**أم يارا** · 05-08-2002, 01:09 PM

مشكورين أخواتي على المجاملة ......
أشتري جبن أبيض طازج اللي بالكيلو.........
تصدقون إني ما أدري كم يقعد في الثلاجة لأنه دايم يخلص بدري.............
فعلا الأخيرة ترى حللللللللللوة وتصلح لسندويشات الطلاب...........