LinkBack URL
About LinkBacks
شيبس بيتي ... مقرمش و لذييييذ و طبعا صحي:::وبالصور:::
السلام عليكم و رحمة الله وبركاته
كيفكم يا حلوات
بصراحة قد ما كنت اسمع عن الشيبس البيتي اقول انه حكي فاضي و مش متل طعم الجاهز ... و شوبدنا بالغلبة ما هو متوفر و رخيص ، بس لما جربت هاي الطريقة لقيتها سهلة كتيييير و ما بدها وقت و فعلا النتيجة مرضية
ما بدي اطول عليكم ، باختصار
في طنجرة ، اغلي كمية من الماء مع ملح
و لحد ما تغلى ... قشري حبات البطاطا ، و باستخدام القشارة اعمليها شرائح رفييييعة ( ممكن اصابع للي بتحب بس تكون رقيقة).. رح يكون شكل الشرائح هيك
عند غليان الماء اضيفي فنجان خل ابيض
ثم اضيفي الشرائح للماء و اتركيها تغلي 3 دقائق تقريبا ( اذا اصابع اكتر يعني 5 دقائق)
بعدين صفيها من الماء
بعد تصفيتها جيدا ضعيها في الفريزر .. انا خليتها ربع ساعة و في مرة خليتها اكتر من ساعة ، و النتيجة واحدة
بعد هيك طلعيها من الفريزر و اقليها في زيت غزير و حامي .. و ضلك حركيها كل شوي عشان ما تلتصق ..و لا تغفلي عنها لانه من غير ما تحسي رح تتحمر فجأة .. فشيليها و حطيها على ورق ماص و بالعافية عليكم
رد مع الاستدلال
و تسلمي على التميز 
الروابط المفضلة