ضروري جدااا اكسبو ثواب والي تعرف طريقة عمل فول وحمص زي المحلات ؟؟؟

**سوسو1983** · 10-02-2007, 10:10 PM

السلام عليكم ورحمة الله وبركاته ،،،

كيكفو بنات؟؟؟

بدي اقلكو هالشغلة

بدي منكو ضروري كتير سر وطريقة عمل الفول والحمص الي متل المحلات

الفول بكون غير عن فول البيت

والحمص كمان

الهم طريقة مميزة

ولازم تحكولي يابنات

لأنو الشغلة هاي مش الي

في زميلة الي بالشغل زوجها مريض ومابيقدر يشتغل

فعشان تحسن دخلها وتحسن ظروفها المادية

صارت بدها تفتح محل فول وحمص وفلافل لزوجها

لانو هية كمان ظروفهم المادية صعبة ياحرام

والمحلات الي زي هيك عنا بتمشي الحال وبتعطي دخل ماشي حالو

فأرجوكو احلفكم حاولو تساعدوني

حرام بدي اكسب فيها أجر

وبالمرة الكل بيستفيد

انا اعتقد الحمص بيكون مليان طحينة وبيحطو زبادي

بس برضو فيه شي مميز غريب

والفول كذلك
.....

انتظر الجواب بفااااااارغ الصبر

**أم أيموني** · 11-02-2007, 09:10 AM

عزيزتي..

ربي يعينها ويرزقها يارب.. ويجزيك كل خير..

أنا كتير بحب طريقتي بالفول والحمص وما بحب أكلو جاهز أبداً بس الحمص ومن بعض المحلات..

الفول.. بستعمل المعلب أو الحب بعد سلقة منيح..

بسخنه على النار .. مع شوية مرقة .. في الجاط يلي بدي اقدم فيه.. بدق حبة ثوم.. وبدير الفول عليها .. وبعدين بهرس الفول وبضيف ملح وشوية كمون .. وبحط عليها بندورة مفرومة وشوية بقدونس مفروم وعصير ليمون يعني نص ليمون وطحينية يعني ملعقة كبيرة أو 2 وبحركهم وبرش الوجه سماق وزيت زيتون.. بصراحة بحب طريقتي هاي .. وكتير طيبة..

الحمص نفس الشي.. إسلقيه وصفية واضربيه بالخلاط وصبيه في صحن وحطي عليه ملح وملعقة لبن روب أو لبنه (بتطلع متماسكه) وشوية طحينية وعصرة ليمون وثومة مدقوقة وممكن من غيرها واخلطيهم وزينها بحبات الحمص وزيت زيتون..

هاي الطرق اللي عندي وطبعاً أكيد باقي الأخوات ماراح يقصرو... وربي يوفقها ويوفقك..

**سوسو1983** · 11-02-2007, 09:36 PM

شكرا حبيبتي كتير
اناكمان بعمل نفس الطريقة هاي
وزاكية كتير
بس انا قصدي هون عطريقة محلات الفول والفلافل
الي بتنعمل بسرعة
انا قصدي انها ذات طعم خاص غير عن تبع البيت
بغض النظر مين ألذ
بس انا بدي الطريقة هي بالزااااات
وهيني مازلت انتظر
البنت سالتني اليوم والله
الله يخليكو ماتكسفوني
اكسبو فيها أجر
انتظررررررررررررر