تبولة بطريقة ماما

**shahed60** · 10-12-2006, 09:17 AM

السلام عليكم ورحمة الله وبركاته

هاي اول مشاركة الي وان شاء الله ما رح تكون الاخيرة اتمنى انها تنال اعجابكم

ورح قدملكم هاي التبولة الي رح تاكلو ايديكم وراها
نبدا
نجهز الخضرة حطيت فيها
بقدونس
خس
ملفوف احمر واصفر
بندورة
خيار
نغسلا كويس ونفرما فرم ناعم وهاي الخضرة انتهينا منها[IMG][/IMG]
خلصنا من الخضرة نجي للسر
البرغل
مغسول ومنقوع ومصفى
ناتي بالمقادير التالية
ملعقتين حمض ليمون - ملعقة دبس رمان - ملعقة رب البندورة - ملعقة نعناع يابس او اخضر مفروم - ملح حسب رغبتك - زيت زيتون - بصل اخضر مفروم فرم ناعم ناعم
بتاخدي هالمقادير وبتحطيها فوق البرغل وبتدعكيها بايديكي مليح او بماكينة الكبة حتى تتناسق تمام التمام
كنت حابة فرجيكم البرغل مع الخلطة بس طلع حجم الصورة كبير لا تواخذوني
بعدين بتحطي الخضرة فوقا بتحركيها بالملعقة حتى تتناسق وبتصبيها بصحن التقديم فورا
وهاي الصورة النهائية اسفة التزيين مو مزبوط لان بنتي اكلتها نصها قبل ما كمل تصوير
[IMG][/IMG]
اتمنها انو ينال رضاكم واول وحدة ترد تناولني صحن لصبلها

**وعود الخير** · 10-12-2006, 10:31 AM

تسلمي دياتك وديات المالما
بس بصراحة ما عمري جربت التبولة مع الملفوف
لان الي بنعرفه ان التبوله بقدونس ونعناع وبصل اخضر وبندورة وبرغل
ومنك نستفيد
كل الشكر لك