لعمل البيك رولز بالبيت ......ادخلى هناااااااااااااا

السلام عليكم ورحمة الله وبركاته

انا النهارده جايبالكم طريقة حلوةجدا شفتها فى منتدى تانى وحبيت تعرفوها زيي
لعمل البيك رولز فى البيت وتبقى طريقة
مضمونة المكونات من قبلك عشان الولاد يعرفوا ياكلوا براحتهم منها

.
.
.
.
.

الطريقه سهله وحلوه جدا وهتستفيدي من كميات العيش الفينو (الصامولي) الي بتتبقي في كل بيت

بدل ماترمي منه كميات كبيرة وانت مستحرمة ومحتارة تعملي بيها ايه

1- اول شيء جيبي العيش الفينو الي عندك وطبعا هيكون ناشف شويه قطعيه حلقات

2- حطي في الخلاط (طبعا على حسب كميه العيش)

ربع كوب زيت
معلقه صغيره خل
توم تلاته فصوص
شويه ملح
شويه شطه(فلفل حار)
شويه فلفل اسود
واخلطيهم في الخلاط

3-جيبي قطعه قطعه من العيش وغمسيها في الخليط وحطيهم في صينيه ودخليها الفرن من 5-10 دقائق بجيث تكون محمصه ولونها ذهبي وخلي بالك متسبهاش كتير
عشان ماتتحرقش منك
وبس وذوقي الطعم احلى ميه مره من بيك رولز الجاهز وممكن تحطيه مع اي وجبه

وبالهنا والشفا

اهلا عزيزتي انا نفس الطرقه تقريبا بعمل
بس ما بضيف الخل مشكوره عزيزتي

رائعة يا يوميزو
انا كمان باعملها من غير خل .. بس حجرب الخل علشان خاطرك يا قمر
سلمت الأيادي

تسلموا على الردود وممكن كمان لاضافة نكهة البيتزا انك تضعي توابل بيتزا
او شطة وللليمون
او نكهات زيتون

يسلمو ايدكي

تسلميلي يا عسله انتي وحطي زيت زيتون بيطلع طيب يا قمر

تتسلموااااا
وان شاء الله بجربها هنلولة القمرة

شغلك واخد من اسمك حتة
تسلم ايدك يميم

شغلك واخد من اسمك حتة
تسلم ايدك يميم

والله ضحكتيني بصحيح
بس ايه النور ده كله
معقول لوجى عندنا !!
اهلا اهلا

الله يعطيج العافية اختي على الوصفة