نعناع اهل المدينه بالصور اتفضلوا

**omroro-4** · 27-08-2006, 08:16 PM

لاول مره ما شفته ولا في منتدى من تصويري وانتاجي واخراجي
نعناع المدينه
اولا النعناع المديني

يمتاز بحراره في الطعم ويجي بعضه حباته اطول واكبر بس الصغار هو المديني الاصلي ينحط منه ورقتين فقط مع الشاي الاحمر

اللمام

رائحته روعه ويسمى لمام لانه ما يستخدم لوحده يلم بعض الانواع معاه زي المغربي والمديني والدوش
طريقته حزمه منه تخلط مع نصف حزمه مغربي و3 ورقات مديني وورقتين دوش وبعض الورد ويوضع في البراد ويوضع عليه الماء المغلي ويحلى حسب الرغبه وفي اللي يسميه طايفي

للي يحب يشرب معايا

الدوش

طريقته 3 عروق منه تغسل وتوضع مع الشاي الاحمر في البراد ويوضع الماء المغلي ويحلى حسب الرغبه ويشرب
ويخلط معاه للي يحب ورد مديني

وهذا فنجان اتفضلوا

النوامي

ريحته تجنن ويوضع واحده ورقه بعد تكسيرها للبراد الصغير او اثنين للبراد الكبير مع الشاي الاحمر والماء المغلى والسكر وطعمه قوي

العطره

تشبه الكرات يكسر واحد عرق منها ويوضع مع الشاي الاحمر والماء المغلي ويحلى حسب الرغبه

النعناع المغربي معروف

يوضع حزمه كامله بعد غسلها جيدا بوضعه في زبديه ووضع الماء وتشيليه حتشوفي التراب اسفل الزبديه كبيه وكرري العمليه الين ينظف وحطيه في البراد وحطي عليه ماء المغلي وخليه يغلي شوي على النار وحليه زي ما تحبي وممكن تعمليه مع الشاي الاخضر

وهذا الشاي الاحمر وافضل الانواع ربيع

وهذا مديني هديه مني ليكم

لا تنسوا تدعولي

**توت البراري** · 27-08-2006, 08:48 PM

مشكورين
يعطيك العافيه

**الـ طبعي ـود** · 27-08-2006, 08:49 PM

شهيتيني اختي على نعناع المدينه وحبقها ولا عاد الشاهي الاخظر اممممممممم

والي صورته اول واحد نسميه حبق مو نعناع وذا طلبناه من عند الي يبيعون بالسيارات

قلنا حبق المدينه يعطونا ياه

ولا ادوش الله عليكي

بس عندنا مو دايم نلاقيه او يكون في اماكن بعيده عنا

نلاقيه صدف بالشوارع

عندي سوال اختي

عن اللمام مونفسه الشاي الخضر ؟؟

النوامي وش هاذا اول مره اسمع فيه ؟؟

ومشكوره على الموضوع

**omroro-4** · 27-08-2006, 10:24 PM

توت البراري شكرا الله يعافيك
الود الطبيعي اهلا بيك وصحيح المديني يسموه حبق واللمام يختلف جدا في الرائحه والطعم عن المغربي ويشبهه في الشكل وطعمه قوي يقال انه ما يصلح كثير لمرضى القلب
والنوامي كمان ريحته روعه وفي اللي يسميه ورق النيم وانا حطيت كل الانواع علشان مو بس تسمعوا عنها تشوفوها كمان وتراها ما تتوفر غير بصعوبه خارج المدينه المنوره وزي ما قلت عادة تنباع بالسيارات في الرياض وجده ويمكن موجوده في مكه زي المدينه
دايما اللي يزور المدينه لازم يشتري النعناع وياخذه معاه تشمي ريحته في المطار
علشان كدا لازم تجوا المدينه وتزوروها وتاخدوه معاكم
اشتغلت تنشيط سياحه

***ام هند*** · 27-08-2006, 10:55 PM

ام رورو ماشاءالله عليك حبيبتى
مواضيعك دائما قيمة و مفيدة
و انا كثير بستفيد منها
مشكورة و متعك الله بالصحة و العافية
و جزاك الله كل الخير
و ابعدك عن النيران و ادخلك اعلى الجنان