البطاطا المسلوقة بصلصة الطحينة

الطبق هادا جدا رائع امبارح عملته وصورته بس طبعا ما بعرف انزل صور المهم حندخل على المقادير وجربوه وأكيد راح يعجبكم جدا جدا

المقادير:

6 حبات بطاطا مسلوقة
عدد (1) ضمة بقدونس
2 فص ثوم مقشر ومدقوق مع ملعقة صغيرة ملح
ربع كوب ماء
نص كوب ليمون
نص كوب طحينة (هردة)

الطريقة:

بعد سلق البطاطا نقوم بتقطيعها الى مكعبات صغيرة
نقوم بخلط الليمون مع الطحينية ( الهردة) والثوم والماء والبقدونس

من ثم نقوم بإضافة الخليط السابق على البطاطا المسلوقة ويخلط جيدا ، ثم نقوم بسكبها في طبق التقديم ويزين الطبق في زيت الزيتون والبقدونس (أو ممكن شوية نعنع طازج كمان)

أنا متأكدة انه حيعجبكم انشاء الله

وصحتين وهنا على قلوبكم مقدما

هلا سندريلا

كيفك يا قمر

انا بعمل هالوصفة هاي كتييييييييير
وطريقتك نفس طريقتي بالضبط حبيبتي

يسلموا ايديك يا ام خالد

يسلموا ايديكي عزيزتي
بس أنا ما فهمت شو الطحينة الهردة؟؟؟
بارك الله فيكي

كتبت بواسطة كيندة

بس أنا ما فهمت شو الطحينة الهردة؟؟؟

الطحينية هي الراشي عصارة حب السمسم

وتضاف إلى السلطات أو الحمص بالطحينة

هلا والله بالغالية ام خالد
عاش من شافك يا قمر
طبعا الطبق مش محتاج تعليق
تسلمي وتسلم مجايبك.

الاخت كندة الهردة كما اوضحت الاخت ام حكم هي الطحينة التي تضاف للحمص.

مشكورة يعطيك الف عافية

كتبت بواسطة ام حكم

هلا سندريلا

كيفك يا قمر

انا بعمل هالوصفة هاي كتييييييييير
وطريقتك نفس طريقتي بالضبط حبيبتي

يسلموا ايديك يا ام خالد

أهلين وسهلين بأحلى ام الحكم الله يسعدك نورتي بمرورك يا حلوة

كتبت بواسطة كيندة

يسلموا ايديكي عزيزتي
بس أنا ما فهمت شو الطحينة الهردة؟؟؟
بارك الله فيكي

كيندة حبيبتى الطحينية في ناس بيسموها الهردة بس بصراحة انا هادا الاسم اللى بعرفه الها بس شوفي هيه بيستعملوها مع الحمص والفول والسلطة احيانا (سلطة طحينة)

انشاء الله اكون افدتك حبيبتى

كتبت بواسطة وعود الخير

هلا والله بالغالية ام خالد
عاش من شافك يا قمر
طبعا الطبق مش محتاج تعليق
تسلمي وتسلم مجايبك.

الاخت كندة الهردة كما اوضحت الاخت ام حكم هي الطحينة التي تضاف للحمص.

وعووووود الله يسعدلي هالطلة يا حلوة والله انا اشتأتلكم كثير بس المشاغل كثيرة

تسلميلي يا حلوة

كتبت بواسطة أم فئ

مشكورة يعطيك الف عافية

الله يعافيكي حبيبتى ، شكرا على مرورك